തിരുവനന്തപുരം: ചെമ്മാട് ദാറുല്‍ ഇസ്‌ലാമിക് യൂനിവേഴ്‌സിറ്റി തിരുവനന്തപുരം സെന്റര്‍ ശിലാസ്ഥാപനം ഇന്ന് പനവൂര്‍ പുല്ലാമലയില്‍ സയ്യിദ് സ്വാദിഖലി ശിഹാബ് തങ്ങള്‍ പാണക്കാട് നിര്‍വഹിക്കും.
ബോംബെ, ആസാം, വെസ്റ്റ്ബംഗാള്‍, കര്‍ണാടക, ആന്ധ്രാപ്രദേശ് തുടങ്ങിയ ഓഫ് കാംപസുകള്‍ക്കു പുറമേ ആറാമത് സെന്ററാണ് പുല്ലാമലയില്‍ തുടങ്ങുന്നത്. വിദ്യാഭ്യാസരംഗത്തെ പുത്തന്‍ സാധ്യതകളെ ധാര്‍മിക മൂല്യങ്ങളിലൂടെ പ്രചരിപ്പിക്കുക എന്നതാണ് ദാറുല്‍ ഹുദയുടെ ലക്ഷ്യം. ധാര്‍മികതയും മാനവിക മൂല്യങ്ങളും അവഗണിക്കപ്പെടുന്ന പുതിയ സാഹചര്യങ്ങളില്‍ ഇത്തരം മൂല്യാധിഷ്ഠിത വിദ്യാഭ്യാസ പദ്ധതികള്‍ക്ക് ഏറെ പ്രസക്തിയുണ്ട്.
ദാറുല്‍ ഹുദാ വി.സി ഡോ. ബാഹാഉദ്ദീന്‍ മുഹമ്മദ് നദ്‌വി അധ്യക്ഷനായ ശിലാസ്ഥാപന സമ്മേളനം സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും.