വണ്ടൂര്‍:വാഹനങ്ങളില്‍ നിന്ന് ബാറ്ററി മോഷണം നടത്തിയ കേസില്‍ യുവാവ് പിടിയില്‍. കാളികാവ് മാളിയേക്കല്‍ സ്വദേശിയായ പതിനെട്ടുകാരനെയാണ് വണ്ടൂര്‍ എസ്.ഐ പി. ചന്ദ്രന്‍ അറസ്റ്റ് ചെയ്തത്. പരാതിയെത്തുടര്‍ന്ന് നടത്തിയ അന്വേഷണത്തില്‍ സി.സി.ടി.വി ദൃശ്യങ്ങള്‍ ഉള്‍പ്പെടെയുള്ള  പരിശോധനയിലാണ് യുവാവ് പിടിയിലായത്. കാളികാവ് സ്റ്റേഷന്‍ പരിധിയിലും പ്രതി സമാന രീതിയിലുള്ള മോഷണം നടത്തിയതായി കണ്ടെത്തിയിട്ടുണ്ട്. കോടതിയില്‍ ഹാജരാക്കിയ പ്രതിക്ക് ജാമ്യം അനുവദിച്ചു.