ഇന്ത്യന്‍ ആര്‍മിയില്‍ സ്ഥിരം കമ്മിഷനിലേക്ക് നയിക്കുന്ന രണ്ടു കോഴ്‌സുകളിലേക്ക് ഇപ്പോള്‍ അപേക്ഷിക്കാം. ആണ്‍കുട്ടികള്‍ക്ക് മാത്രമാണ് പ്രവേശനം. 2020 ജൂലായില്‍ തുടങ്ങുന്ന 10+2 ടെക്‌നിക്കല്‍ എന്‍ട്രി സ്‌കീം കോഴ്‌സിലേക്ക് പ്ലസ്ടുവിന് ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നിവ പഠിച്ചവര്‍ക്കാണ് അവസരം. പ്രായം: 2001 ജനുവരി രണ്ടിനും 2004 ജനുവരി ഒന്നിനും ഇടയ്ക്ക് (രണ്ടുദിവസങ്ങളും ഉള്‍പ്പെടെ).
ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങള്‍ക്ക് മൊത്തത്തില്‍ 70 ശതമാനം മാര്‍ക്കുണ്ടായിരിക്കണം.
90 ഒഴിവുകളാണുള്ളത്. അഞ്ചുവര്‍ഷമാണ് പരിശീലനകാലം. നാലുവര്‍ഷം പൂര്‍ത്തിയാക്കുമ്പോള്‍ ലെഫ്റ്റനന്റ് റാങ്കില്‍ സ്ഥിരം കമ്മിഷന്‍ ലഭിക്കും. അന്തിമപരീക്ഷ വിജയിക്കുമ്പോള്‍ എന്‍ജിനിയറിങ് ബിരുദവും കിട്ടും. അപേക്ഷ ംംം.ഷീശിശിറശമിമൃാ്യ.ിശര.ശി എന്ന വെബ്‌സൈറ്റ് വഴി നവംബര്‍ 13 ഉച്ചയ്ക്ക് 12 മണിവരെ നല്‍കാം.