കുറുവ: പാര്‍ലമെന്റ് തെരഞ്ഞെടുപ്പിന്റെ എല്ലാ നടപടിക്രമങ്ങളും പാലിച്ച് ചെറുകുളമ്പ ഐ.കെ.ടി ഹയര്‍ സെക്കന്‍ഡറി സ്‌കൂളില്‍ കുട്ടികളുടെ നേതൃത്വത്തില്‍ തെരഞ്ഞെടുപ്പ് നടത്തി. പ്രത്യേക ബാലറ്റ് പേപ്പറിലാണ്  തെരഞ്ഞെടുപ്പ് നടന്നത്.
പ്രിസൈഡിങ് ഓഫിസറും പോളിങ് ഓഫിസര്‍മാരുമായി വിദ്യാര്‍ഥികള്‍ തന്നെ സേവനം നടത്തി. 30 എസ്.പി.സി. കേഡറ്റുകള്‍ പൊലിസിന്റെ ഡ്യൂട്ടി കൃത്യമായി നിര്‍വഹിച്ചു. നാലു സീറ്റുകളിലേക്കായി 13 സ്ഥാനാര്‍ഥികള്‍ മത്സര രംഗത്തുണ്ടായിരുന്നു. പുസ്തകം, പേന, കുട, ബാഗ്, ഫുട്‌ബോള്‍, ബാറ്റ്, ഷട്ടില്‍ തുടങ്ങിയ ചിഹ്നങ്ങളായിരുന്നു അനുവദിച്ചിരുന്നത്. പ്രകടന പത്രിക പുറത്തിറക്കിയാണ് സ്ഥാനാര്‍ഥികള്‍ തെരഞ്ഞെടുപ്പിനെ നേരിട്ടത്. സാമൂഹ്യ ശാസ്ത്ര ക്ലബിന്റെ നേതൃത്വത്തിലാണ് ആശയം നടപ്പാക്കിയത്. വി ഹംസ,  മുല്ലപ്പള്ളി ഇബ്രാഹിം, കെ ഫൗസിയ, പി.സി അനിത, കെ.ടി ഷറഫുദ്ദീന്‍ എന്നീ അധ്യാപകര്‍ നേതൃത്വം നല്‍കി.