തലശ്ശേരി: ഗവ.ബ്രണ്ണന്‍ കോളജ് ശതോത്തര രജത ജൂബിലിയാഘോഷങ്ങളുടെ സമാപനം തിങ്കളാഴ്ച മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ഉച്ചക്ക് രണ്ടിന് കോളജ് ഓഡിറ്റോറിയത്തില്‍ നടക്കുന്ന പരിപാടിയില്‍ മന്ത്രി പ്രൊഫ. സി രവീന്ദ്രനാഥ് അധ്യക്ഷനാകും. നവീകരിച്ച കോളജ് ഓഡിറ്റോറിയം മന്ത്രി എ.കെ ബാലന്‍ ഉദ്ഘാടനം ചെയ്യും. റിട്ട.പ്രിന്‍സിപ്പല്‍ ഡോ. പി.എം ഇസ്മയില്‍ റിപ്പോര്‍ട്ട് അവതരിപ്പിക്കും. എം.പിമാരായ പി.കെ ശ്രീമതി, ഇ അഹമ്മദ്, മുല്ലപ്പള്ളി രാമചന്ദ്രന്‍, റിച്ചാര്‍ഡ് ഹേ, കെ.കെ രാഗേഷ്, എം.എല്‍.എമാരായ ജയിംസ് മാത്യു, എ.എന്‍ ഷംസീര്‍, ഡോ. വി രാമചന്ദ്രന്‍, ജില്ലാ പഞ്ചായത്ത് പ്രസിഡന്റ് കെ.വി സുമേഷ്, ധര്‍മടം ഗ്രാമപഞ്ചായത്ത് പ്രസിഡന്റ് ബേബി സരോജം, വൈസ്.പ്രിന്‍സിപ്പല്‍ പ്രൊഫ. എം ചന്ദ്രഭാനു, കെ നന്ദകുമാര്‍, ഇ.കെ അനുരാഗ് സംസാരിക്കും.വാര്‍ത്താസമ്മേളനത്തില്‍ ടി അനില്‍, ഡോ. എ വത്സലന്‍, പ്രൊഫ. എം ചന്ദ്രഭാനു, കെ.വി സുധാകരന്‍, ഡോ. കെ.പി ചന്ദ്രമോഹന്‍ പങ്കെടുത്തു.