തലശ്ശേരി: ഇന്നത്തെ വിദ്യാര്‍ഥികള്‍ക്ക് ഉയരങ്ങളില്‍ എത്താന്‍ അവസരങ്ങളും സൗകര്യങ്ങളും ഏറെയുണ്ടെന്നു കഥാകൃത്ത് ടി. പദ്മനാഭന്‍. തലശ്ശേരി നിയമസഭാ മണ്ഡലംതല വിജയോത്സവം പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
സാമ്പത്തികമായി പിന്നോക്കം നില്‍ക്കുന്ന വിദ്യാര്‍ഥിയായാലും ജാതീയമായി അവശത അനുഭവിക്കുന്ന വിദ്യാര്‍ഥിയായാലും കഴിവുള്ള വിദ്യാര്‍ഥികള്‍ക്ക് എത്രകണ്ട് പഠിക്കാന്‍ കഴിയുമോ അത്രയും അവസരങ്ങള്‍ അവര്‍ക്ക് മുന്നില്‍ തുറന്നു കിടക്കുകയാണ്. പണ്ടുകാലത്തെ വിദ്യാര്‍ഥികള്‍ക്ക് ഇത്തരം അവസരങ്ങളൊന്നും ലഭിച്ചിരുന്നില്ല. കേരളത്തില്‍ പൊതുവിദ്യാഭ്യാസ മേഖല ക്ഷീണിച്ച പഴയകാലം മാറി തുടങ്ങിയതായും ടി. പദ്മനാഭന്‍ വ്യക്തമാക്കി. എ.എന്‍ ഷംസീര്‍ എം.എല്‍.എ അധ്യക്ഷനായി. സിവില്‍ സര്‍വിസ് പരീക്ഷയില്‍ 144ാം റാങ്ക് നേടിയ കതിരൂരിലെ റീഷ്മ രമേഷ്, പ്ലസ്ടു പരീക്ഷയില്‍ മുഴുവന്‍ മാര്‍ക്കും നേടിയ സെന്റ് ജോസഫ്‌സ് എച്ച്.എസ്.എസിലെ കെ. യാമിനി, ബ്രണ്ണന്‍ എച്ച്.എസ്.എസിലെ കെ.വി അനന്യ, മൊകേരി എച്ച്.എസ്.എസിലെ മാളവിക സുരേഷ് എന്നിവര്‍ക്കും മണ്ഡലത്തില്‍ നിന്ന് എസ്.എസ്.എല്‍.സി പരീക്ഷയില്‍ 100 ശതമാനം വിജയം നേടിയ ന്യൂമാഹി എം.എം എച്ച്.എസ്.എസ്, കാവുംഭാഗം ഗവ. എച്ച്.എസ്.എസ്, ചുണ്ടങ്ങാപ്പൊയില്‍ ഗവ. എച്ച്.എസ്.എസ്, ചൊക്ലി വി.പി ഓറിയന്റല്‍ എച്ച്.എസ്.എസ്, ചിറക്കര ഗവ. വി.എച്ച്.എസ്.എസ് എന്നിവയ്ക്കും പ്ലസ്ടു പരീക്ഷയില്‍ 100 ശതമാനം വിജയം നേടിയ തലശ്ശേരി സേക്രഡ്ഹാര്‍ട്ട് സ്‌കൂളിനും ടി. പത്മനാഭന്‍ ഉപഹാരം നല്‍കി. നഗരസഭാ ചെയര്‍മാന്‍ സി.കെ രമേശന്‍, ബ്ലോക്ക് പഞ്ചായത്ത് പ്രസിഡന്റുമാരായ കെ.കെ രാജീവന്‍, കെ.ഇ കുഞ്ഞബ്ദുല്ല, പഞ്ചായത്ത് പ്രസിഡന്റുമാരായ വി.കെ രാഗേഷ്, എ.വി ചന്ദ്രദാസ്, എ.കെ രമ്യ, എ. ശൈലജ, എം. ഷീബ, ഡോ. ശശിധരന്‍ കുനി
യില്‍, വി. പ്രസാദ് സംസാരിച്ചു.