വടക്കാഞ്ചേരി (തൃശൂര്‍): വ്യത്യസ്ത ബൈക്ക് അപകടങ്ങളില്‍ രണ്ടുപേര്‍ മരിച്ചു. പഴയന്നൂര്‍ ചീരകുഴിയില്‍ ബൈക്കും പിക്കപ്പ് വാനും കൂട്ടിയിടിച്ച് അക്കൗണ്ടന്റായ യുവാവ് മരിച്ചു. കുത്താമ്പിള്ളി കണിയാര്‍കോട് തെക്കി വീട്ടില്‍ രാമദാസിന്റെ മകന്‍ ശ്രീനിവാസാണ് (25) മരിച്ചത്. ഇന്നലെ രാവിലെ പതിനൊന്നോടെ ട്രഷറിയിലേക്ക് വരുന്നതിനിടെ എതിരേവന്ന പിക്കപ്പ്‌വാന്‍ ബൈക്കില്‍ ഇടിച്ചായിരുന്നു അപകടം. ഗോമതിയാണ് ശ്രീനിവാസന്റെ മാതാവ്.
മായന്നൂര്‍ ലാസര്‍പടിയില്‍ ബസ് ഓട്ടം അവസാനിപ്പിച്ച് വീട്ടിലേക്ക് മടങ്ങുന്നതിനിടെ നിയന്ത്രണംവിട്ട ബൈക്ക് മറിഞ്ഞ് കണ്ടക്ടര്‍ മരിച്ചു. കല്ലേപാടം സ്വദേശി പാണംപിള്ളിഞാലില്‍ ശങ്കരനാരായണന്റെ മകന്‍ ഗിരീഷ് (45) ആണ് മരിച്ചത്. ഭാര്യ: ശ്രീദേവി. മക്കള്‍: ശ്രീജിത്ത്, രഞ്ജിത്ത്.