കോഴിക്കോട്: ബി.ജെ.പി സംസ്ഥാന നേതൃപദവിയിലേക്ക് പുതിയ തലമുറയിലുള്ളവര്‍ വരണമെന്ന് ബി.ജെ.പി സംസ്ഥാനാധ്യക്ഷനും നിയുക്ത മിസോറാം ഗവര്‍ണറുമായ പി.എസ് ശ്രീധരന്‍ പിള്ള. പുതിയ സംസ്ഥാന പ്രസിഡന്റ് ആരാകണമെന്നു പറയുന്നില്ല. കെ. സുരേന്ദ്രനോ, ശോഭാ സുരേന്ദ്രനോ, പി എം വേലായുധനോ, എം.ടി രമേശോ ആകട്ടെ. 2019ല്‍ ഞാന്‍ സംസ്ഥാനപ്രസിഡന്റായപ്പോള്‍ അവരെ നോമിനേറ്റ് ചെയ്തതാണെന്നും അദ്ദേഹം പറഞ്ഞു. പുതിയ തലമുറയ്ക്ക് നേതൃത്വത്തിലേക്ക് കടന്നുവരാന്‍ പറ്റണം. ഇപ്പോള്‍ അമ്പത് വയസ്സ് കഴിഞ്ഞ നേതാക്കള്‍ അതിന് അവസരം നല്‍കണമെന്നും ശ്രീധരന്‍ പിള്ള പറഞ്ഞു.