ഗൂഡല്ലൂര്‍: ഊട്ടി-കോത്തഗിരി പാതയിലെ മൈലാനയില്‍ കണ്ടെയ്‌നര്‍ ലോറി നിയന്ത്രണം വിട്ട് മറിഞ്ഞു. ഇതോടെ പാതയില്‍ രണ്ട് മണിക്കൂര്‍ ഗതാഗതം തടസപ്പെട്ടു. ഇന്നലെ രാവിലെ പത്ത് മുതല്‍ പന്ത്രണ്ട് വരെയാണ് ഈ റൂട്ടില്‍ വാഹന ഗതാഗതം തടസപ്പെട്ടത്.
കോത്തഗിരിയില്‍ നിന്ന് മൈസൂരിലേക്ക് പച്ചക്കറി കയറ്റിപോകുകയായിരുന്ന കണ്ടെയ്‌നര്‍ ലോറിയാണ് നിയന്ത്രണം വിട്ട് മറിഞ്ഞത്. ഡ്രൈവര്‍ ശ്രീനി പരുക്കേല്‍ക്കാതെ രക്ഷപ്പെട്ടു. വിവരമറിഞ്ഞ് സ്ഥലത്തെത്തിയ അഗ്നിശമനസേനയാണ് പിന്നീട് ക്രൈന്‍ ഉപയോഗിച്ച് ലോറി മാറ്റി ഗതാഗതം പുനസ്ഥാപിച്ചത്.