കല്‍പ്പറ്റ: ജില്ലാ സയന്‍സ് ക്ലബ്ബ് അസോസിയേഷനും ആസ്‌ട്രോ വയനാടും സംയുക്തമായി സംഘടിപ്പിക്കുന്ന ചാന്ദ്രദിന ക്വിസ് മത്സരത്തിന്റെ യു.പി സബ്ജില്ലാ തലം ഇന്ന് മൂന്ന് ഉപജില്ലാ കേന്ദ്രങ്ങളിലായി നടക്കും. വൈത്തിരി ഉപജില്ല-ബി.ആര്‍.സി മുണ്ടേരിയിലും, മാനന്തവാടി- ബി.ആര്‍.സി മാനന്തവാടി, ബത്തേരി-സര്‍വജന ഹൈസ്‌കൂള്‍ ബത്തേരി എന്നിവയാണ് ഉപജില്ലാ കേന്ദ്രങ്ങള്‍. യു.പി വിഭാഗത്തില്‍ ഒരു സ്‌കൂളില്‍ നിന്ന് രണ്ടുവീതം കുട്ടികള്‍ക്ക് പങ്കെടുക്കാം. കുട്ടികള്‍ രാവിലെ 10 മണിക്ക് അതതു കേന്ദ്രങ്ങളില്‍ എത്തണം. ഹൈസ്‌കൂള്‍, ഹയര്‍ സെക്കന്‍ഡറി വിഭാഗത്തിന് ജില്ലാ തലം മാത്രമേ ഉണ്ടായിരിക്കൂ. അത് ഓഗസ്റ്റ് 13 ശനി ദിവസം മാനന്തവാടി ഹയര്‍ സെക്കന്‍ഡറി സ്‌കൂളില്‍ വച്ചു നടക്കും.