കല്‍പറ്റ: എച്ച്.ഐ.എം യു.പി സ്‌കൂളിലെ ഫിലാറ്റലി ക്ലബ്ബ് കോഴിക്കോട് പോസ്റ്റല്‍ സീനിയര്‍ സൂപ്രണ്ട് എ സുധാകരന്‍ ഉദ്ഘാടനം ചെയ്തു. യോഗത്തില്‍ സ്‌കൂളിന്റെ പേരിലുള്ള 'എന്റെ സ്റ്റാമ്പി'ന്റെ പ്രകാശനവും നടന്നു. സ്‌കൂള്‍ മാനേജര്‍ അഡ്വ. കല്ലങ്കോടന്‍ മൊയ്തു സ്റ്റാമ്പ് ഏറ്റുവാങ്ങി.
 ആദ്യകാല ഫിലാറ്റലിസ്റ്റുകളായ ദാമോദരന്‍ മാസ്റ്റര്‍, അബ്ദുല്‍ ഖാദര്‍ മൗലവി എന്നിവരെ ചടങ്ങില്‍ ആദരിച്ചു. ഫിലാറ്റലിക്ക് ഡെപ്പോസിറ്റിനുള്ള ആദ്യ അപേക്ഷ കല്‍പ്പറ്റ ഹെഡ് പോസ്റ്റുമാസ്റ്റര്‍ പി.ജി ഗോപാലകൃഷ്ണന്‍ സ്വീകരിച്ചു. സ്‌കൂള്‍ പ്രധാനാധ്യാപിക ശ്രീലത അധ്യക്ഷയായി. സ്‌കൂള്‍ മാനേജ്‌മെന്റ് സെക്രട്ടറി സി മൊയ്തീന്‍കുട്ടി, ചലചിത്രതാരം അബുസലീം, അറക്ക സൂപ്പിക്കുട്ടി, പി.ജെ ബഷീര്‍, സുലൈമാന്‍ ഇസ്മാലി, പി ഹാരിസ്, കെ പ്രകാശന്‍ സംസാരിച്ചു. ഫിലാറ്റലി ക്ലബ്ബ് കണ്‍വീനര്‍ പി.സി റിയാസ് റഹ്മാന്‍ സ്വാഗതവും പോസ്റ്റല്‍ അസി. സൂപ്രണ്ട് ഷീജ പ്രഭാകരന്‍ നന്ദിയും പറഞ്ഞു.
 തുടര്‍ന്ന് സ്റ്റാമ്പ് പ്രദര്‍ശനവും സ്‌കൂള്‍ വിദ്യാര്‍ഥികള്‍ക്ക് ഫിലാറ്റലി പഠനക്ലാസും ക്വിസ് മത്സരവും നടത്തി. കല്‍പ്പറ്റ എന്‍.എസ്.എസ് സ്‌കൂള്‍ ഒന്നും രണ്ടും സമ്മാനങ്ങള്‍ നേടി.