വളാഞ്ചേരി: മലയാളത്തില്‍ ധാരാളം ദിനപത്രങ്ങളുണ്ടെങ്കിലും സുപ്രഭാതം അവയില്‍ നിന്നെല്ലാം വ്യത്യസ്തമാണെന്ന് പ്രമുഖ സൂഫിവര്യനായ അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ . സമസ്ത കേരള ജംഇയ്യത്തുല്‍ ഉലമായുടെ ഉടമസ്ഥതയിലിറങ്ങുന്ന ഈ പത്രത്തിന് എല്ലാവരും വരിക്കാരായി ചേരണമെന്നും പ്രചരിപ്പിക്കണമെന്നും അദ്ദേഹം ആവശ്യപ്പെട്ടു. ഈ വര്‍ഷത്തെ നബിദിനപ്പതിപ്പിന്റെയും ഓണ്‍ലൈന്‍ വിഷ്വല്‍ എംബ്ലത്തിന്റെയും പ്രകാശന കര്‍മം അത്തിപ്പറ്റ ഫത്ഹുല്‍ ഫത്താഹില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.
നബിദിനപ്പതിപ്പ് അരീക്കോട് ടി.കെ.ടി അബ്ദുഹാജിയും എംബ്ലം ഇ.കെ അബ്ദുല്‍ ഖാദര്‍ ഹാജിയും ഏറ്റുവാങ്ങി. കെ.കെ എസ്.തങ്ങള്‍ അധ്യക്ഷനായി. അബ്ദുല്‍ വാഹിദ് മുസ്‌ലിയാര്‍, യൂസുഫ് മുസ്‌ലിയാര്‍ കരീറ്റിപറമ്പ് , സി.പി ഹംസ ഹാജി, സി.മുസ്തഫ, എ.പി മൊയ്തീന്‍ കുട്ടി ഹാജി, മുഹമ്മദ് ഫൈസി അത്തിപ്പറ്റ പ്രസംഗിച്ചു. സുപ്രഭാതം സി.ഇ.ഒ മുസ്തഫ മുണ്ടുപാറ സ്വാഗതവും പാങ്ങാട്ട് അബ്ദുറസാഖ് നന്ദിയും പറഞ്ഞു.