പാലക്കാട്: വാളയാറില്‍ പെണ്‍കുട്ടികള്‍ പീഡനത്തിനിരയായി ആത്മഹത്യചെയ്ത കേസില്‍ ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാന്റെ ഇടപെടല്‍ സംശയാസ്പദമെന്ന് എം.എല്‍.എ ഷാഫി പറമ്പില്‍. കേസ് സ്വതന്ത്ര ഏജന്‍സിയെക്കൊണ്ട് അന്വേഷിപ്പിക്കണമെന്നും വിഷയം ഗൗരവമായതുകൊണ്ടുതന്നെ നിയമസഭയില്‍ അവതരിപ്പിക്കണമെന്നും അദ്ദേഹം പറഞ്ഞു.

സംഭവത്തില്‍ സാമൂഹ്യനീതി വകുപ്പ് അന്വേഷണം നടത്തിയെങ്കിലും ചെയര്‍മാന്‍ ക്ലീന്‍ ചിറ്റ് നല്‍കുകയായിരുന്നു.

വാളയാര്‍ പീഡനക്കേസില്‍ പ്രതികളെ രക്ഷിക്കാന്‍ ശ്രമം നടന്നെന്നും. പൊലിസിനും പ്രോസിക്യൂഷനും ഗുരുതര വീഴ്ചയുണ്ടായിട്ടുണ്ടെന്നും സര്‍ക്കാരിന് ഇതില്‍ പങ്കുണ്ടെന്ന് സംശയിക്കുന്നതായും ചെന്നിത്തല ചൂണ്ടിക്കാട്ടിയിരുന്നു.