ഉരുവച്ചാല്‍: നിയമം കാറ്റില്‍ പറത്തി ടിപ്പര്‍ ലോറികളുടെ സഞ്ചാരം ദുരിതമാവുന്നു. സ്‌കൂള്‍ സമയങ്ങളില്‍ ടിപ്പര്‍ലോറികള്‍ക്ക് നിയന്ത്രണം ഏര്‍പ്പെടുത്തിയെങ്കിലും വിദ്യാര്‍ഥികള്‍ പോവുന്ന റോഡിലൂടെ ടിപ്പര്‍ ലോറികള്‍ കുതിച്ചു പായുകയാണ്.
മണ്ണുകയറ്റി പോവുന്ന ലോറികള്‍ മണ്ണ്ഗ്രീന്‍ ഷീറ്റ് ഉപയോഗിച്ച് മറക്കാതെയാണ് കടന്നു പോവുന്നത്. ഇത് മറക്കാതെ മണ്ണ്കയറ്റി പോവുന്ന ലോറികളുടെ പിറകില്‍ പോവുന്ന ഇരുചക്ര വാഹനയാത്രക്കാര്‍ക്കും വഴിയാത്രക്കാര്‍ക്കും പൊടിമണ്ണ് പാറുന്നത് ദുരിതമാവുകയാണ്. ടിപ്പര്‍ ലോറികളുടെ അമിതവേഗത കാല്‍നടയാത്രക്കാരെയും മറ്റുംഭീതിയിലാക്കുന്നുണ്ട്.