നീലേശ്വരം: റിയോ ഒളിംപിക്‌സിനു ആശംസകളുമായി വിദ്യാര്‍ഥികളുടെ കൂട്ടയോട്ടം. കോട്ടപ്പുറം സി.എച്ച്.എം.കെ.എസ്.ജി.വി.എച്ച്.എസ്.എസിലെ വിദ്യാര്‍ഥികളാണ് കൂട്ടയോട്ടം നടത്തിയത്. ഒളിംപിക്‌സിന്റെ സന്ദേശം വിദ്യാര്‍ഥികളിലും ജനങ്ങളിലും എത്തിക്കുക എന്നതായിരുന്നു കൂട്ടയോട്ടത്തിന്റെ ലക്ഷ്യം.
പി.ടി.എ പ്രസിഡന്റ് കെ മുഹമ്മദ്കുഞ്ഞി ഫ്‌ളാഗ് ഓഫ് ചെയ്തു. പ്രധാനധ്യപിക കെ.പി ദിനപ്രഭ, എസ്.എം.സി ചെയര്‍മാന്‍ കെ.പി കമാല്‍, രാജുമുട്ടത്ത്, കെ പത്മനാഭന്‍ നമ്പൂതിരി, കെ ഉദയകുമാര്‍, കെ രാമചന്ദ്രന്‍, സുബൈര്‍ നേതൃത്വം നല്‍കി.
ഒളിമ്പിക്‌സിന്റെ ആശയവും ആവേശവും കുരുന്നു മനസുകളില്‍ പകര്‍ന്നു നല്‍കിക്കൊണ്ട് കാഞ്ഞിരപ്പൊയില്‍ സ്‌കൂളില്‍ കമോണ്‍ റിയോ സംഘടിപ്പിച്ചു. ദീപശിഖാ പ്രയാണം, കൂട്ടയോട്ടം, ലോഗോ എക്‌സിബിഷന്‍ എന്നിവയും ഉണ്ടായിരുന്നു.
മടിക്കൈ പഞ്ചായത്ത് സ്ഥിരംസമിതി അധ്യക്ഷന്‍ അബ്ദുല്‍റഹ്മാന്‍ ദീപശിഖ കൊളുത്തി ഉദ്ഘാടനം ചെയ്തു. പ്രധാനധ്യാപകന്‍ പുരുഷോത്തമന്‍, പി.ടി.എ വൈസ് പ്രസിഡന്റ് ഗോപാലന്‍, പി രാജേഷ്, വിനോദ്, രാകേഷ്, ബാലചന്ദ്രന്‍, നന്ദകുമാര്‍ നേതൃത്വം നല്‍കി.
കാഞ്ഞങ്ങാട്: റിയോ ഒളിംപിക്‌സിന് ആശംസകള്‍ അര്‍പ്പിച്ചും ഇന്ത്യന്‍ ടീമിനു വിജയാശംസകള്‍ നേര്‍ന്നും  തച്ചങ്ങാട് ഗവ. ഹൈസ്‌കൂളില്‍ കൂട്ടയോട്ടവും അധ്യാപകരും വിദ്യാര്‍ഥികളും തമ്മിലുള്ള ഫുട്‌ബോള്‍ സൗഹൃദ  മത്സരവും സ്‌പോര്‍ട്‌സ് മോട്ടിവേഷന്‍ ക്ലാസും സംഘടിപ്പിച്ചു. ഫയര്‍ഫോഴ്‌സ് ഉദ്യോഗസ്ഥന്‍  പി ഗോപി ക്ലാസെടുത്തു.  
കൂട്ടയോട്ടവും ഫുട്‌ബോള്‍ മത്സരവും ഡി.സി.ആര്‍.ബി ഡിവൈ.എസ്.പി.കെ ദാമോദരന്‍ ഫ്‌ളാഗ് ഓഫ് ചെയ്തു.
പി.ടി.എ പ്രസിഡന്റ് വി.വി സുകുമാരന്‍ അധ്യക്ഷനായി. വി.കെ ഗോപാലന്‍,  സുജാതാ ബാലന്‍, കെ നളിനി, ടി.വി കുമാരന്‍, പി ബാലകൃഷ്ണന്‍, അബ്ദുള്‍ ജമാല്‍, സി.പി.വി വിനോദ് കുമാര്‍, എ വിജയകുമാരന്‍, വി.എ പ്രകാശന്‍, പ്രധാനധ്യാപിക ഭാരതി ഷേണായി, കെ.പി ബിജു  എന്നിവര്‍ സംസാരിച്ചു.
കാഞ്ഞങ്ങാട്  ദുര്‍ഗാ ഹയര്‍സെക്കന്‍ഡറി സ്‌കൂള്‍ കായിക വിദ്യാര്‍ഥികള്‍ നടത്തിയ കൂട്ടയോട്ടത്തിനു ഡി.ഇ.ഒ കെ.പി  പ്രകാശ് കുമാര്‍ ഫ്‌ളാഗ് ഓഫ് ചെയ്തു. പി.ടി.എ പ്രസിഡന്റ് എം.കെ വിനോദ് കുമാര്‍ ചടങ്ങില്‍ അധ്യക്ഷനായി. കെ.പി സുജാത, എ സതീശന്‍ , ഹൊസ്ദുര്‍ഗ്ഗ് എസ്.ഐ രവീന്ദ്രന്‍, വി ശ്രീജിത്ത്    പ്രിന്‍സിപ്പാള്‍ ദാക്ഷ. സ്‌കൂള്‍ പ്രധാനധ്യാപകന്‍ വി രവി മാസ്റ്റര്‍  സംസാരിച്ചു.