തിരുവനന്തപുരം: ഉപതെരഞ്ഞെടുപ്പില്‍ വിജയിച്ച അഞ്ച് എം.എല്‍.എമാര്‍ സത്യപ്രതിജ്ഞ ചെയ്തു. അരൂര്‍ എം.എല്‍.എ ഷാനിമോള്‍ ഉസ്മാനും മഞ്ചേശ്വരം എം.എല്‍.എ എം.സി കമറുദ്ദീനും അല്ലാഹുവിന്റെ നാമത്തിലാണ് സത്യപ്രതിജ്ഞ ചെയ്തത്. എറണാകുളം എം.എല്‍.എ ടി.ജെ. വിനോദും ദൈവനാമത്തിലാണ് സത്യപ്രതിജ്ഞ നടത്തിയത്.

വികെ പ്രശാന്ത്, കെയുജനീഷ് കുമാര്‍, ഷാനിമോള്‍ ഉസ്മാന്‍, ടിജെവിനോദ്, എംസി കമറുദ്ദീന്‍ എന്നിവര്‍ക്കൊപ്പം മാണി സി കാപ്പനും ആദ്യമായാണ് നിയമസഭയിലെത്തുന്നത്. പാലായില്‍ ജയിച്ച മാണി സി കാപ്പന്‍ നേരത്തെ എംഎല്‍എയായി സത്യപ്രത്ജ്ഞ ചെയ്തിരുന്നു.

വാളയാറിലെ പെണ്‍കുട്ടികളുടെ മരണവും മാര്‍ക്ക് ദാന വിവാദവും പ്രതിപക്ഷം സര്‍ക്കാറിനെതിരെ ആയുധമാക്കും. പാലായും വട്ടിയൂര്‍കാവും കോന്നിയും പിടിച്ചെടുത്തത് പ്രതിപക്ഷം ആയുധമാക്കും. നവംബര്‍ 21 വരെ ചേരുന്ന സമ്മേളനത്തില്‍ 16 ഓര്‍ഡിനന്‍സുകള്‍ക്ക് പകരം ബില്ലുകള്‍ കൊണ്ടുവരും.