കരുനാഗപ്പള്ളി: കുലശേഖരപുരം പുത്തന്‍ തെരുവ് ജംഗ്ഷന് വടക്ക് വശം അല്‍ സെയ്യിദ് സ്‌കൂളിന് മുന്‍വശം കെ.എസ്.ആര്‍.ടിസി ബസ്സിന് നേരേ ബൈക്കുകളില്‍ എത്തിയ സമൂഹ്യ വിരുദ്ധ സംഘം ബസ്സിന്റെ ചില്ല് എറിഞ്ഞ് തകര്‍ത്തു.

ബസ്സിന് നേരെയുണ്ടായ കല്ലേറില്‍ ഡ്രൈവറുടെ കണ്ണിന് സാരമായി പരുക്കേറ്റു. തിരുവനന്തപുരം കല്ലറ സ്വദേശി സുധീഷിനാണ് (43) പരുക്കേറ്റത്. ഇദ്ദേഹത്തെ കൊല്ലം ജില്ലാ ആശുപത്രിയില്‍ പ്രാഥമിക ചികിത്സ നല്‍കിയ ശേഷം തിരുവനന്തപുരം കണ്ണാശുപത്രിയിലേക്ക് മാറ്റി. പോലിസ് എത്തി പ്രതികള്‍ക്കായി അന്വേഷണം ആരംഭിച്ചു.