ന്യൂഡല്‍ഹി: മധ്യ ഡല്‍ഹിയിലെ കരോള്‍ബാഗില്‍ ഒരു ഫാക്ടറിയിലുണ്ടായ തീപിടിത്തത്തില്‍ രണ്ടു സ്ത്രീകളടക്കം നാലു പേര്‍ മരിച്ചു. ഒരാള്‍ക്ക് ഗുരുതര പരുക്കേറ്റു. ഇന്നലെ ഉച്ചയ്ക്ക് 12.20ഓടെയായിരുന്നു കരോള്‍ബാഗിലെ ബിദന്‍പുര ഭാഗത്തെ ഫാക്ടറി കെട്ടിടത്തില്‍ തീപിടിത്തമുണ്ടായത്.
ബാഗന്‍ പ്രസാദ് (55), ആര്‍.എം നരേഷ് (40), ആരതി (20), ആശ (40) എന്നിവരാണ് മരിച്ചത്. അജിത് (25) എന്നയാള്‍ക്കാണ് പരുക്കേറ്റത്.
തീപിടിത്തമുണ്ടായ ഉടന്‍ അഗ്നിശമന സേന സ്ഥലത്തെത്തി. അര മണിക്കൂറിനകം തീ നിയന്ത്രണവിധേയം ആക്കാനായതായി അധികൃതര്‍ അറിയിച്ചു. തീപിടിത്തത്തിനുള്ള കാരണം വ്യക്തമായിട്ടില്ല.