കല്‍പ്പറ്റ: കേരള പൊലിസ് അസോസിയേഷന്‍ 34-ാം ജില്ലാ സമ്മേളനത്തോടനുബന്ധിച്ച് പൊലിസ് ഉദ്യോഗസ്ഥര്‍ക്കായി പഞ്ചഗുസ്തി മത്സരം നടത്തി. സിനിമാ താരം അബൂ സലീം ഉദ്ഘാടനം ചെയ്തു. കല്‍പ്പറ്റ പൊലിസ് ഇന്‍സ്‌പെക്ടര്‍ ജേക്കബ്, പൊലിസ് അസോസിയേഷന്‍ പ്രസിഡന്റ് ശശിധരന്‍, സെക്രട്ടറി സതീഷ് കുമാര്‍, സബ് ഇന്‍സ്‌പെക്ടര്‍മാരായ ഭാസ്‌കരന്‍, അയ്യപ്പന്‍ എന്നിവര്‍ സംബന്ധിച്ചു. മത്സരം പഞ്ചഗുസ്തി റഫറി ഗ്രിഹറി വൈത്തിരി നിയന്ത്രിച്ചു. ജില്ലാ സമ്മേളനം ജൂലൈ മൂന്നിന് കല്‍പ്പറ്റ ജിനചന്ദ്ര ഓഡിറ്റോറിയത്തില്‍ തുറമുഖ, മ്യൂസിയം, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. നജീബ് (വൈത്തിരി), വിനയ ശങ്കര്‍ (തിരുനെല്ലി), വികേഷ് (കല്‍പ്പറ്റ), ദാമോദരന്‍ (കല്‍പ്പറ്റ), ജയ (കല്‍പ്പറ്റ) എന്നിവര്‍ വിജയികളായി.