ന്യൂഡല്‍ഹി: ആര്‍.എസ്.എസിനെ അപകീര്‍ത്തിപ്പെടുത്തിയെന്ന പരാതിയില്‍ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിക്ക് വീണ്ടും സമന്‍സ്. സെപ്തംബര്‍ 29 ന് കോടതിയില്‍ നേരിട്ട് ഹാജരാകണമെന്നാണ് കോടതി ആവശ്യപ്പെട്ടിരിക്കുന്നത്.

അസമിലെ ബാര്‍പ്പട്ട സത്രത്തില്‍ കയറുന്നതില്‍ നിന്നു ആര്‍എസ്എസ് പ്രവര്‍ത്തകര്‍ അംഗമായ ഭരണസമിതി വിലക്കിയെന്ന് രാഹുല്‍ ഗാന്ധി
2015 ഡിസംബറില്‍ ആസ്സാമിലെ ഒരു റാലിക്കിടെ പറഞ്ഞിരുന്നു. എന്നാല്‍ രാഹുല്‍ ഗാന്ധിയെ തടഞ്ഞില്ലെന്നും കുറച്ച് സ്ത്രീകള്‍ സത്രത്തില്‍ നില്‍ക്കുന്നതിനാല്‍ രാഹുല്‍ ഗാന്ധി സത്രത്തില്‍ പ്രവേശിച്ചില്ലെന്നുമാണ് ആര്‍.എസ്.എസ് പ്രവര്‍ത്തകര്‍ പറഞ്ഞത്.

ക്ഷേത്ര ഭരണസമിതിയെ പൊതു ജനങ്ങള്‍ക്ക് മുന്നില്‍ താഴ്ത്തി കെട്ടാന്‍ രാഹുല്‍ ഗാന്ധി ശ്രമം നടത്തി എന്നാരോപിച്ചായിരുന്ന ഭാരവാഹികളായ ആര്‍എസ്എസ് പ്രവര്‍ത്തകര്‍ മാനനഷ്ട കേസ് നല്‍കിയത്.

രാഹുല്‍ ഗാന്ധിക്കെതിരെ മറ്റൊരു സമന്‍സ് സുപ്രീംകോടതിയില്‍ നിലനില്‍ക്കുന്ന സാഹചര്യത്തിലാണ് വീണ്ടുമൊരു സമന്‍സ് വന്നിരിക്കുന്നത്. മഹാത്മാഗാന്ധിയെ വധിച്ചത് ആര്‍.എസ്.എസ് ആണെന്ന പ്രസ്താവനക്കെതിരെയാണ് സുപ്രിംകോടതിയുടെ സമന്‍സ്.