ദമാം: കിഴക്കന്‍ സഊദിയിലെ ഹഫര്‍ അല്‍ ബാത്തിനില്‍ ശക്തമായ മഴയില്‍ ഉണ്ടായ വെള്ളപ്പൊക്കത്തില്‍ ഏഴ് പേര്‍ മരിച്ചു. 11 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. വിവിധ സ്ഥലങ്ങളില്‍ കുടുങ്ങിയ 1176 പേരെ സിവില്‍ ഡിഫന്‍സ് രക്ഷപ്പെടുത്തി.
ആലിപ്പഴ വര്‍ഷത്തോടെ പെയ്ത മഴയില്‍ നിരവധി വാഹനങ്ങള്‍ കൂട്ടിയിടിച്ചു. സഊദിയുടെ വിവിധ ഭാഗങ്ങളില്‍ അതിശക്തമായ കൊടുങ്കാറ്റും മഴയും ഉണ്ടാകുമെന്ന് കാലാവസ്ഥാ കേന്ദ്രങ്ങള്‍ റിപ്പോര്‍ട്ട് ചെയ്തിരുന്നു. കൂടാതെ, ഐസ് മഴയും കടുത്ത കാലാവസ്ഥാ വ്യതിയാനവും ഉണ്ടാകുമെന്നും മുന്നറിയിപ്പുണ്ട്.