പത്തനംതിട്ട: എന്‍.ഡി.എയുമായുള്ള സഖ്യത്തെ കുറിച്ച് ആലോചിച്ചിട്ടില്ലെന്ന് കെ.എം മാണി. പ്രചാരണത്തിനു പിന്നില്‍ ഗൂഢലക്ഷ്യമാണുള്ളത്. ബി.ജെ.പിയുമായി സഖ്യമെന്ന പ്രചാരണം അസംബന്ധമെന്നും മാണി പറഞ്ഞു.

മാണി അധികാര കേന്ദ്രങ്ങള്‍ തേടി ഓടുകയാണെന്ന് ജനാധിപത്യ കേരള കോണ്‍ഗ്രസ് അംഗം ആന്റണി രാജു പറഞ്ഞിരുന്നു. മാണിയുടെ ലക്ഷ്യം എന്‍.ഡി.എ ആണെന്നും മകന്‍ ജോസ് കെ.മാണിയെ അധികാരത്തിലെത്തിക്കുകയാണ് ലക്ഷ്യമെന്നും ആന്റണി രാജു പറഞ്ഞിരുന്നു. ഇതിനായി എന്‍.ഡി.എയുമായി കുറച്ചുനാളുകളാണ് ചര്‍ച്ചകള്‍ നടക്കുന്നതായും ആന്റണി രാജു ആരോപിച്ചിരുന്നു.