തിരൂര്‍: മംഗലം വാടിക്കല്‍ പ്രദേശത്തെ തൂക്കുപാലത്തില്‍ ഒരേ സമയം 20 ലധികം പേര്‍ കയറരുതെന്ന് പൊലിസ് മുന്നറിയിപ്പ്. തൂക്കുപാലത്തിന്റെ കാര്യക്ഷമത കുറവായതിനാലാണ് സുരക്ഷാ നിര്‍ദേശം നല്‍കുന്നതെന്ന് തിരൂര്‍ ഡി.വൈ.എസ്.പി പറഞ്ഞു. പെരുന്നാളിനോടനുബന്ധിച്ച് സഞ്ചാരികള്‍ പ്രദേശത്തേക്ക് എത്തുമെന്നത് കണക്കിലെടുത്താണ് മുന്‍കരുതല്‍. ജനങ്ങള്‍ ഇക്കാര്യത്തില്‍ ബോധവാന്‍മാരാകണമെന്നും പൊലിസ് ജനങ്ങളെ നിയന്ത്രിക്കുമെന്നും തിരൂര്‍ ഡി.വൈ.എസ്.പി അറിയിച്ചു.