നാദാപുരം: പുറമേരി പഞ്ചായത്തിലെ അരൂര്‍ കോട്ടമുക്കില്‍ സ്റ്റീല്‍ ബോംബ് കണ്ടെടുത്തു. ഉച്ചക്ക് പന്ത്രണ്ടരയോടെയാണ് കൊട്ട് മുക്ക് ബസ് സ്റ്റോപ്പിന് സമീപത്തെ ഓവുചാലില്‍ ബോംബ് കണ്ടെത്തിയത്.
നാട്ടുകാര്‍ വിവരം അറിയിച്ചതിനെ തുടര്‍ന്ന് നാദാപുരത്തുനിന്ന് ബോംബ് സ്‌ക്വാഡും പൊലിസും സ്ഥലത്തെത്തി ഇവ കസ്റ്റഡിയിലെടുത്തു. കഴിഞ്ഞ ദിവസം തൊട്ടടുത്ത മലയാടംപൊയിലില്‍ ബി.ജെ.പി പ്രവര്‍ത്തകന്‍ ചാള പറമ്പത്ത് രമേശന്റെ വീടിനു നേരെ ബോംബേറ് നടന്നിരുന്നു. ബോംബ് വീട്ടു പറമ്പില്‍ വീണാണ് പൊട്ടിയത്. ഹര്‍ത്താല്‍ ദിനത്തില്‍ ഇവിടെ കടയടപ്പിക്കാന്‍ വന്ന ബി.ജെ.പി പ്രവര്‍ത്തകര്‍ സഞ്ചരിച്ച സ്‌കൂട്ടറില്‍ നിന്ന് വടിവാള്‍ കണ്ടെത്തിയ സംഭവത്തില്‍ പൊലിസ് കേസെടുത്തു അന്വേഷണം നടത്തുന്നതിനിടെയാണ് പുതിയ സംഭവങ്ങള്‍.