വാഷിങ്ടണ്‍: സ്വയം പൊട്ടിത്തെറിച്ച ഐ.എസ് തലവന്‍ ബഗ്ദാദിയുടെ മൃതദേഹാവശിഷ്ടങ്ങള്‍ യു.എസ് സേന കടലിലൊഴുക്കിയതായി യു.എസ് പ്രതിരോധ വിഭാഗമായ പെന്റഗണ്‍ അറിയിച്ചു.
അതേസമയം കൃത്യമായി എവിടെയെന്ന് അവര്‍ പറഞ്ഞില്ല.
അയാളുടെ മരണം ശേഷിക്കുന്ന ഐ.എസ് ഭീകരര്‍ക്ക് കനത്ത ആഘാതമേകുമെന്ന് പ്രതിരോധ സെക്രട്ടറി മാര്‍ക് എസ്പര്‍ പറഞ്ഞു.
2011ല്‍ അല്‍ഖാഇദ നേതാവ് ഉസാമ ബിന്‍ ലാദനെ പാകിസ്താനില്‍വച്ച് കൊലപ്പെടുത്തിയ ശേഷവും മൃതദേഹം യു.എസ് സേന കടലിലൊഴുക്കുകയായിരുന്നു.