കൊച്ചി: കേരളത്തിന്റെ സന്തോഷ് ട്രോഫി ടീമിനെ ഇന്ന് പ്രഖ്യാപിക്കും. അടുത്തമാസം നടക്കാനിരിക്കുന്ന യോഗ്യതാ മത്സരങ്ങള്‍ക്ക് വേണ്ടിയുള്ള ടീമിനെയാണ് പ്രഖ്യാപിക്കുക.
എറണാകുളം മാരിയറ്റ് ഹോട്ടലില്‍വച്ചാകും പ്രഖ്യാപനം നടക്കുക. പരിശീലകന്‍ ബിനോ ജോര്‍ജിന്റെ കീഴില്‍ പരിശീലനം നടത്തുന്ന ടീമില്‍ കൂടുതലും യുവതാരങ്ങളായിരിക്കും എന്നാണ് വിലയിരുത്തലുകള്‍. ഒക്ടോബര്‍ 14മുതല്‍ ആരംഭിക്കേ@ണ്ട യോഗ്യതാ മത്സരങ്ങള്‍ നവംബര്‍ 5ലേക്ക് നീട്ടിയിരുന്നു. ര@ണ്ട് ഗ്രൂപ്പുകളിലായി ഏഴു ടീമുകളാണ് ദക്ഷിണമേഖലാ മത്സരങ്ങളില്‍ മാറ്റുരയ്ക്കുക. കോഴിക്കോടാണ് യോഗ്യതാ മത്സരങ്ങള്‍ക്ക് വേദിയാവുക. ഗ്രൂപ്പ് എയില്‍ തമിഴ്‌നാടിനും ആന്ധ്രാപ്രദേശിനും ഒപ്പമാണ് കേരളമുള്ളത്. തെലങ്കാന, പോ@ണ്ടിച്ചേരി, കര്‍ണാടക എന്നിവരാണ് ഗ്രൂപ്പ് ബിയില്‍ ഉള്ളത്. ബിനോ ജോര്‍ജിന്റെ കീഴില്‍ എറണാകുളത്ത് പരിശീലനം നടത്തിയിരുന്ന ടീം അടുത്ത മാസം മുതല്‍ കോഴിക്കോട്ടേക്ക് പരിശീലനം മാറ്റും.