മക്ക: റമദാന്‍ വൃതത്തിന് പരിസമാപ്തിയായി പെരുന്നാള്‍ ആഘോഷിക്കുന്ന ലോക മുസ്‌ലിംകള്‍ക്കു തിരുഗേഹങ്ങളുടെ സേവകന്‍ സല്‍മാന്‍ രാജാവ് ആശംസ നേര്‍ന്നു.
'പരസ്പര ബന്ധം ഊട്ടിയുറപ്പിക്കുന്നതിന് ഈദുല്‍ ഫിത്വറില്‍ വലിയ അവസരമുണ്ടെന്നും സഹിഷ്ണുതയുടെയും ഐക്യത്തിന്റെയും സഹാനുഭൂതിയുടെയും ആത്മാവ് പടര്‍ത്താന്‍ നമുക്ക് സാധിക്കേണ്ടതുണ്ടെന്നും രാജാവ് പറഞ്ഞു. 'ദൈവം നല്‍കിയ അനുഗ്രഹത്തില്‍നിന്ന് ധനികന്‍ ദരിദ്രന് വേണ്ടി ചെലവഴിക്കണം'' രാജാവ് പെരുന്നാള്‍ സന്ദേശത്തില്‍ പറഞ്ഞു.
മാസം കണ്ടതിന്റെ അടിസ്ഥാനത്തില്‍ ഇന്ന് ചെറിയ പെരുന്നാള്‍ ആഘോഷിക്കുന്ന തിരുഗേഹങ്ങളുടെ സേവകന്‍ സല്‍മാന്‍ രാജാവിനും കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനും സഊദി ജനതക്കും സഊദി സുപ്രീം ജുഡീഷ്യല്‍ കോര്‍ട്ട് ചെറിയ പെരുന്നാള്‍ ആശംസിച്ചു.