തിരുവനന്തപുരം: സംസ്ഥാന ന്യൂനപക്ഷ ക്ഷേമ വകുപ്പ് സംഘടിപ്പിക്കുന്ന എക്‌സ്‌പ്ലോറിങ് ഇന്ത്യ പരിപാടിയിലേക്ക് തിരഞ്ഞെടുത്ത വിദ്യാര്‍ഥികള്‍ക്കായി നവംബര്‍ നാലിന് സൗജന്യ വ്യക്തിത്വ വികസന കരിയര്‍ ഗൈഡന്‍സ് പരിശീലനം നല്‍കുന്നു.
കേന്ദ്ര, സംസ്ഥാന സര്‍വകലാശാല സന്ദര്‍ശനം, രാഷ്ട്രപതിയുമായി സംവദിക്കല്‍, രാഷ്ട്രപതി ഭവന്‍, പാര്‍ലമെന്റ് സന്ദര്‍ശനം എന്നിവയാണ് ഏഴുദിവസം നീണ്ടുനില്‍ക്കുന്ന എക്‌സ്‌പ്ലോറിങ് ഇന്ത്യ പരിപാടിയില്‍ ഉള്‍പ്പെടുത്തിയിരിക്കുന്നത്. തിരഞ്ഞെടുത്ത 120 വിദ്യാര്‍ഥികള്‍ക്കാണ് പരിശീലനം സംഘടിപ്പിക്കുന്നത്.