റിയാദ്: മക്ക- മദീന അതിവേഗ പാതയില്‍ ഉണ്ടായ വാഹനാപകടത്തില്‍ മലയാളി കുടുംബത്തിലെ മൂന്നു പേര്‍ മരിച്ചു.

തൃശൂര്‍ സ്വദേശികളായ ദമ്പതികളും മകനുമാണ് മരിച്ചത്. മക്ക - മദീന ഹൈവെയില്‍ ഖുലൈസിലാണ് അപകടമുണ്ടായത്. രണ്ടു മക്കള്‍ നിസാരപരുക്കുകളോടെ രക്ഷപ്പെട്ടു.

തൃശൂര്‍ വെള്ളികുളങ്ങര സ്വദേശി കറുപ്പന്‍ വീട്ടില്‍ അഷ്‌റഫ്, ഭാര്യ റസിയ, മകന്‍ ഹഫ്‌നാസ് അഷ്‌റഫ് എന്നിവരാണ് മരിച്ചത്.

ഉംറയും പെരുന്നാള്‍ നിസ്‌കാരവും കഴിഞ്ഞ് മക്കയില്‍നിന്ന് മദീനയിലേക്കു പോകുമ്പോള്‍ ഖുലൈസില്‍ വൈകുന്നേരം നാലു മണിയോടെയാണ് അപകടം.

ദമാമില്‍ ടാക്‌സി ഡ്രൈവറാണ് അഷ്‌റഫ്. ഭാര്യയും മക്കളും സന്ദര്‍ശകവിസയില്‍ സഊദിയിലെത്തിയതായിരുന്നു.

നാലു ദിവസം മുമ്പാണ് ഇവര്‍ മക്കയിലെത്തിയത്. മൃതദേഹം ഖുലൈസ് ജനറല്‍ ആശുപത്രിയില്‍.