മാനന്തവാടി: കാട്ടാനയുടെ മുന്നിലകപ്പെട്ട ബൈക്ക് മറിഞ്ഞ് യുവാവിനു പരുക്ക്. ചേകാടി സ്വദേശിയുമായ പുത്തന്‍പുരയില്‍ സത്യനാണ് (38) പരുക്കേറ്റത്.
ശനിയാഴ്ച വൈകുന്നേരം അഞ്ചോടെ കുറുവാ കവലകു സമീപത്തെ വെളുകൊല്ലിയിലായിരുന്നു അപകടം. സമീപത്തെ മണ്‍റോഡില്‍ നിന്നും പ്രധാന റോഡിലേക്ക് ബൈക്കില്‍ വരുമ്പോള്‍ കാട്ടാനക്ക് മുന്നില്‍പെടുകയായിരുന്നു. ഇതോടെ സത്യന്‍ സഞ്ചരിച്ച ബൈക്ക് നിയന്ത്രണം വിട്ടു മറിച്ചു.
റോഡില്‍ വീണു കിടക്കുന്ന യുവാവിനെ ആക്രമിക്കാതെ ആന കാടുകയറുകയായിരുന്നു. ബൈക്കില്‍ നിന്നുള്ള വീഴ്ചയില്‍ സത്യന്റെ ഇടതുകാലിന് നിസാര പരുക്കേറ്റു. ദേഹാസ്വാസ്ഥ്യം അനുഭവപ്പെട്ട സത്യന് മാനന്തവാടിയിലെ ജില്ലാ ആശുപത്രിയില്‍ പ്രാഥമിക ചികിത്സ നല്‍കി.