അമ്പലപ്പുഴ: നിയന്ത്രണം വിട്ട കാര്‍ ടാങ്കര്‍ ലോറിയിലിടിച്ച് സമീപത്തെ വീട്ടുമുറ്റത്ത് ഇടിച്ചു കയറി. ആര്‍ക്കും പരുക്കില്ല.
ദേശീയ പാതയില്‍ തോട്ടപ്പള്ളി ലിറ്റില്‍ ഫ്‌ളവറിന് സമീപം ഇന്നലെ പുലര്‍ച്ചെ 3 .30 ഓടെയായിരുന്നു അപകടം.എറണാകുളത്ത് നിന്നും വര്‍ക്കല ഭാഗത്തേക്ക് ഇന്ധനവും മായി പോയ ടാങ്കര്‍ ലോറിയില്‍ എതിര്‍ദിശയില്‍ നിന്നും എത്തിയ കാര്‍ ഇടിയ്ക്കുകയായിരുന്നു.
ഇടിയുടെ ആഘാതത്തില്‍ നിയന്ത്രണം തെറ്റിയ കാര്‍ സമീപത്തെ വീട്ടുമുറ്റത്ത് ഇടിച്ചു കയറുകയായിരുന്നു. കാറിലുണ്ടായിരുന്ന മൂന്നു യാത്രക്കാരും കാറിനുള്ളില്‍ കുടുങ്ങുകിടക്കുകയായിരുന്നു.
ഇതേ സമയം ഈ ഭാഗത്തുകൂടി കടന്ന് പോയ ഹൈവേ പോലീസ് അപകടസ്ഥലത്തെത്തി.
എസ്.ഐ പ്രശാന്തിന്റെ നേതൃത്വത്തിലുള്ള പൊലിസ് സംഘം  കാറിനുള്ളില്‍ കുടിങ്ങിയവരെ പുറത്തെടുത്തു.
കാറിന്റെ മുന്‍ ഭാഗം പൂര്‍ണ്ണമായും തകര്‍ന്നങ്കിലും ആര്‍ക്കും പരുക്കില്ല.