അമ്പലപ്പുഴ: വിദേശമദ്യവില്‍പനശാല അടച്ചു പൂട്ടണമെന്നാവശ്യപ്പെട്ട് സമരസമിതി പ്രവര്‍ത്തകര്‍ മദ്യശാലയിലേക്ക് ഇടിച്ചു കയറി. പ്രദേശത്ത് സംഘര്‍ഷം. തോട്ടപ്പള്ളിയില്‍ കഴിഞ്ഞ ദിവസം പ്രവര്‍ത്തനം ആരംഭിച്ച വിദേശ മദ്യവില്‍പന ശാല അടച്ചു പൂട്ടണമെന്നാവശ്യപെട്ടാണ് സമരസമിതി പ്രവര്‍ത്തകര്‍ കഴിഞ്ഞദിവസം മദ്യശാലയിലേക്ക് ഇടിച്ചു കയറിയത്.
സംഘര്‍ഷത്തിനിടെ മദ്യശാലയുടെ ചില്ലുകളും തകര്‍ന്നു. സ്ഥലത്തുണ്ടായിരുന്ന പോലീസ് പ്രവര്‍ത്തകരെ അറസ്റ്റു ചെയ്ത് അമ്പലപ്പുഴ സ്റ്റേഷനിലേക്ക് മാറ്റി. സംഘര്‍ഷത്തെ തുടര്‍ന്ന് മദ്യശാല അടച്ചിട്ടു. ഇന്നലെ വീണ്ടും പ്രവര്‍ത്തനം ആരംഭിച്ചു.  പിന്നീട് ഡി സി സി പ്രസിഡന്റ് എം ലിജു, മുന്‍ പ്രസിഡന്റ് എ എ ഷുക്കൂര്‍ എന്നിവരെത്തി പോലീസുമായി ചര്‍ച്ച ചെയ്ത് അറസ്റ്റു ചെയ്തവരെ വിട്ടയച്ചു.