ബാഴ്‌സലോണ: ലാലിഗയില്‍ ബാഴ്‌സലോണ വീണ്ടും ഒന്നാമത്. കഴിഞ്ഞ ദിവസം നടന്ന മത്സരത്തില്‍ വല്ലഡോളിഡിനെ 5-1 ന് തകര്‍ത്തതോടെയാണ് ബാഴ്‌സ വീണ്ടും പട്ടികയില്‍ ഒന്നാം സ്ഥാനത്ത് തിരിച്ചെത്തിയത്. മെസ്സിയുടെ ഇരട്ട ഗോളിന്റെ കരുത്തിലായിരുന്നു ബാഴ്‌സലോണ വന്‍ വിജയം സ്വന്തമാക്കിയത്. രണ്ടാം മിനുട്ടില്‍ ക്ലമന്റ് ലിങ്‌ലെറ്റാണ് ബാഴ്‌സയുടെ ആദ്യ ഗോള്‍ നേടിയത്.
ശക്തമായ മുന്നേറ്റത്തിനൊടുവില്‍ 29-ാം മിനുട്ടില്‍ അര്‍തുറോ വിദാല്‍ രണ്ടാം ഗോളും സ്വന്തമാക്കി. 34, 75 മിനുട്ടുകളിലായിരുന്നു മെസ്സിയുടെ തകര്‍പ്പന്‍ ഗോളുകള്‍ പിറന്നത്. ഫ്രീകിക്കില്‍ നിന്നായിരുന്നു മെസ്സിയുടെ ആദ്യ ഗോള്‍. 77-ാം മിനുട്ടില്‍ മെസ്സിയുടെ അസിസ്റ്റില്‍ നിന്ന് സുവാരസും ഗോള്‍ നേടി ഗോള്‍ നേടി പട്ടിക പൂര്‍ത്തിയാക്കി.
ജയത്തോടെ ബാഴ്‌സലോണ 22 പോയിന്റുമായി പട്ടികയില്‍ ഒന്നാം സ്ഥാനത്ത് തിരിച്ചെത്തി. 20 പോയിന്റുള്ള ഗ്രനഡയും 20 പോയിന്റുള്ള അത്‌ലറ്റിക്കോ മാഡ്രിഡ് മൂന്നാം സ്ഥാനത്തുമാണുള്ളത്.