പുത്തന്‍ചിറ: തേങ്ങുന്ന മനസ്സിനൊപ്പം ഈ റമദാന്‍' എന്ന പ്രമേയത്തില്‍ സമസ്ത കോഡിനേഷന്‍ പുത്തന്‍ചിറ പഞ്ചായത്ത് കമ്മിറ്റിയുടെ ആഭിമുഖ്യത്തില്‍  ഒന്നര ലക്ഷം  രൂപയുടെ   റിലീഫ് പ്രവര്‍ത്തനങ്ങള്‍  നടത്തി. പ്രവര്‍ത്തനത്തിന്റെ ഭാഗമായി  ഓപറേഷന്‍  കഴിഞ്ഞ്  ആശുപത്രിയില്‍ നിന്ന് ഡിസ്ചാര്‍ജ് ചെയ്യാന്‍ പണമില്ലാതെ ബുദ്ധിമുട്ടിയ വിദ്യാര്‍ഥിയുടെ കുടുംബത്തിന് അരലക്ഷം രൂപയുടെ ധനസഹായമാണ്  കൈമാറിയത്.
സമാഹരിച്ച തുക വിദ്യാര്‍ഥിയുടെ വീട്ടിലെത്തി കൈമാറുകയായിരുന്നു. കൂടാതെ കിഡ്‌നി രോഗികള്‍, കാന്‍സര്‍  രോഗികള്‍ തുടങ്ങിയ മാരക രോഗങ്ങള്‍ കൊണ്ട് വിഷമിക്കുന്നവര്‍ക്കായി ഒരു ലക്ഷം  രൂപയും വിതരണം  ചെയ്തു.     സമസ്ത കോഡിനേഷന്‍ പുത്തന്‍ചിറ കമ്മിറ്റി രക്ഷാധികാരിയും പുത്തന്‍ചിറ കിഴക്കേ മഹല്ല് ഖത്വീബുമായ അബൂബക്കര്‍ ബാഖവിയാണ് സഹായം വിതരണം  ഉദ്ഘാടനം  ചെയ്തത്. കബീര്‍ ഫൈസി, മുസമ്മില്‍ റഹ്മാനി, നവാസ് റഹ്മാനി, സമദ് ദാരിമി, ഹമീദ് ഉസ്താദ്, റഷീദ് മൗലവി, ടി.വി യൂസഫ്, മുസ്തഫ റഷീദ്, സുഹൈല്‍, ശുഹൈബ് എന്നിവര്‍ പങ്കെടുത്തു.