പൂച്ചാക്കല്‍: ശബരിമലയില്‍ അയ്യപ്പ ദര്‍ശനത്തിന് പോയ ഭക്തനെ കാണാനില്ല. വാഹനം നിലക്കലിലെ പാര്‍ക്കിങ് ഏരിയയില്‍ പാര്‍ക്ക് ചെയ്ത നിലയില്‍.
ചേര്‍ത്തല അരൂക്കുറ്റി മാത്താനം ക്ഷേത്രത്തിന് സമീപം കിഴക്കേ നികര്‍ത്തില്‍ സുകുമാരന്റെ മകന്‍ പ്രദീപിനെയാണ് (48) ശബരിമലയില്‍ കാണാതായത്. കഴിഞ്ഞ ശനിയാഴ്ച പ്രദീപ് സ്വന്തം ടൂറിസ്റ്റ് കാറില്‍ തനിച്ചാണ് ശബരിമലയിലേക്ക് പോയത്.
തിരിച്ച് എത്താത്തതിനെ തുടര്‍ന്ന് ബന്ധുക്കളുടെ അന്വേഷണത്തിലാണ് പ്രദീപ് പോയ സ്വിഫ്റ്റ് കാര്‍ ( നമ്പര്‍: കെ.എല്‍ 32 എച്ച് 9975) നിലക്കലിലെ പാര്‍ക്കിംഗ് ഏരിയയില്‍ കണ്ടെത്തിയത്. പൊലിസ് കസ്റ്റഡിയിലും ജയിലിലും ഉള്ളവരുടെയും ലിസ്റ്റുകള്‍ പരിശോധിച്ചെങ്കിലും ഇതില്‍ ഇല്ലെന്നാണ് പൊലിസ് അറിയിച്ചത്.
ശനിയാഴ്ച മുതലുള്ള സി.സി.ടി.വി പരിശോധിച്ച് വരികയാണ്. പ്രദീപിന്റെ മകന്റെ മൊഴിയെടുത്ത് പൂച്ചാക്കല്‍ പൊലിസ് കേസ് രജിസ്റ്റര്‍ ചെയ്തിട്ടുണ്ട്. ചേര്‍ത്തല ഡിവൈ.എസ്.പിയുടെ നേതൃത്വത്തില്‍ അന്വേഷണം ഊര്‍ജിതമാക്കിയതായി പൂച്ചാക്കല്‍ പൊലിസ് അറിയിച്ചു.