പുല്‍പ്പാറ: പുല്‍പ്പാറ മുര്‍ശിദുല്‍ അനാം ജമാഅത്ത് കമ്മിറ്റിയുടെ നേതൃത്വത്തില്‍ മുഹമ്മദ് നബിയുടെ 1493-ാം ജന്‍മദിനം ആഘോഷിച്ചു.
മഹല്ല് ഖത്തീബ് നൗഷീര്‍ വാഫി ഉദ്ഘാടനം നിര്‍വഹിച്ചു. മഹല്ല് പ്രസിഡന്റ് കെ.പി സൈതലവി അധ്യക്ഷനായി. അബ്ദുല്‍ വാസിഅ യമാനി മുഖ്യ പ്രഭാഷണം നടത്തി. ജഅഫര്‍ ഹൈതമി പ്രാര്‍ഥനക്ക് നേതൃത്വം നല്‍കി. മഹല്ല് സെക്രട്ടറി എം.പി മജീദ്, അക്ബര്‍ അലി മൗലവി, കബീര്‍ യമാനി, എ.പി മൊയ്തീന്‍, പി. ആബിദ്, പി. ജബിര്‍ പ്രസംഗിച്ചു. നബിദിന റാലിയും മദ്‌റസാ വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും കലാപരിപാടികളും നടത്തി.
കല്‍പ്പറ്റ: മുണ്ടേരി ഇസത്തുദ്ദീന്‍ മുസ്‌ലിം സംഘത്തിന്റെ കീഴില്‍ നബിദിനം ആഘോഷിച്ചു. രാവിലെ കുട്ടികളുടെ ഘോഷയാത്രയും വൈകുന്നേരം നടന്ന സാംസ്‌കാരിക സമ്മേളനം മഹല്ല് ഖത്തീബ് സൈനുല്‍ ആബിദീന്‍ ദാരിമി ഉദ്ഘാടനം ചെയ്തു.മഹല്ല് പ്രസിഡന്റ് കാദിരി അബ്ദുറസാഖ് ഹാജി അധ്യക്ഷനായി. ആരോഗ്യമാതാ ദേവാലയം മുണ്ടേരി ഫാ.ജയ്‌സണ്‍ തോട്ടകശേരി, സീനിയര്‍ സിറ്റിസണ്‍ സംസ്ഥാന വൈസ് പ്രസിഡന്റ് വാസുദേവന്‍ നായര്‍, ധര്‍മശാസ്താ അയ്യപ്പസേവാ സംഘം മുണ്ടേരി വി. ബാബു, മഹല്ല് കമ്മിറ്റി വൈസ് പ്രസിഡന്റ് ലത്വീഫ് ഹാജി, മഹല്ല് കമ്മിറ്റി വൈസ് പ്രസിഡന്റ് സലാം പാറമ്മല്‍, മഹല്ല് കമ്മിറ്റി ട്രഷറര്‍ പി.വി മുസ്തഫ, മഹല്ല് കമ്മിറ്റി ജോയിന്റ് സെക്രട്ടറി സി.കെ നൗഷാദ്, മഹല്ല് കമ്മിറ്റി ജോയിന്റ് സെക്രട്ടറി ഷൈജാന്‍ വട്ടക്കര, മഹല്ല് സെക്രട്ടറി കെ.പി അബ്ദുറഹിമാന്‍ സംസാരിച്ചു. കെ.സി.അഷറഫ് സമ്മാനദാനം നിര്‍വഹിച്ചു.
പനമരം: പനമരം ടൗണ്‍ ജുമാമസ്ദ് കമ്മിറ്റിയുടെ ആഭിമുഖ്യത്തില്‍ നടന്ന നബിദിന ഘോഷയാത്രക്ക് ഖാസി അശ്‌റഫ് ദാരിമി, മഹല്ല് ചെയര്‍മാന്‍ എം.കെ അബുബക്കര്‍, പ്രസിഡന്റ് സി.എച്ച് മമ്മു ഹാജി, എന്‍. ഖാദര്‍, എം.കെ മൊയ്തു, തോട്ടുങ്ങല്‍ കുഞ്ഞമ്മദ് ഹാജി, ഡി. അബ്ദുല്ല, വി. അസൈനാര്‍ ഹാജി, പുളികണ്ടി കുഞ്ഞമ്മദ് ഹാജി, വി. ബഷീര്‍, പി.എന്‍ സിദ്ദിഖ് നേതൃത്വം നല്‍കി.
മടക്കിമല: ഹിദായത്തുല്‍ ഇസ്‌ലാം സംഘം മഹല്ല് കമ്മിറ്റിയുടെയും ആഭിമുഖ്യത്തില്‍ മുഹമ്മദ് നബിയുടെ ജന്മദിനം ആഘോഷിച്ചു.മഹല്ല് ഖതീബ് മുഹമ്മദാലി ദാരിമി നേതൃത്വം നല്‍കി. മീലാദ് റാലിക്ക് മഹല്ല് പ്രസിഡന്റ് എം. മുഹമ്മദാലി, പി. കബീര്‍, ട്രഷറര്‍ എന്‍.പി കുഞ്ഞിമൊയ്തീന്‍ ഹാജി, മുഹമ്മദാലി ദാരിമി, കെ.എ നാസര്‍ മൗലവി, ടി. ആലി, കണ്‍വീനര്‍ സി. അബ്ദുല്‍ ഖാദിര്‍ നേതൃത്വം നല്‍കി. സമാപന സമ്മേളനത്തില്‍ ആലി തച്ചറമ്പന്‍ അധ്യക്ഷനായി. ഹംസ മുസ്‌ലിയാര്‍ വൈത്തിരി ഉദ്ഘാടനം ചെയ്തു. മീലാദ് ഫെസ്റ്റില്‍ വിജയികളായ കുട്ടികള്‍ക്ക് കെ.സി മൊയ്തീന്‍ ഹാജി സമ്മാന വിതരണം നടത്തി. ദിക്ര്‍ ദുആ മജ്‌ലിസിന് ഫഖ്‌റുദ്ധീന്‍ പൂക്കോയ തങ്ങള്‍ പൂക്കോട്ടൂര്‍ നേതൃത്വം നല്‍കി. സി. അബ്ദുല്‍ ഖാദിര്‍ സ്വാഗതവും അഷ്‌റഫ് ചിറക്കല്‍ നന്ദിയും പറഞ്ഞു.
കരണി: മഹല്ല് കമ്മറ്റിയുടെയും യുവജന സംഘത്തിന്റെയും നേതൃത്വത്തില്‍ നബിദിനം ആഘോഷിച്ചു.
മഹല്ല് ഖത്തീബ് സാദിഖ് ഫൈസി ഉദ്ഘാടനം ചെയ്തു. മഹല്ല് പ്രസിഡന്റ് അബ്ദുല്‍ അസീസ് സി.എ പതാക ഉയര്‍ത്തി.അഡ്വ. എ.പി മുസ്തഫ, ബിരാന്‍ പി, നജീബ് എം.പി, നൗഷാദ് പി, ആഷിഖ് പി, വാഹിദ് ഇ, ഇര്‍ഷാദ് പി, മനാഫ് എം, നിഷാദ് എ.കെ സംസാരിച്ചു. നബിദിന റാലിക്ക് അയമു പി, ഹമീദ് എ.പി, അബ്ദു പി, അലി ആര്യാടന്‍ നേതൃത്വം നല്‍കി, ജാബിര്‍ പി സ്വാഗതവും ഷെമീര്‍ പി നന്ദിയും പറഞ്ഞു.
വാളാട്: വാളാട് സംയുക്ത മഹല്ല് ജമാഅത്ത് കമ്മിറ്റികളുടെ നേതൃത്വത്തില്‍ നബിദിന റാലി നടത്തി. ചെറിയമൂലയില്‍ നിന്നും ആരംഭിച്ച റാലി പുത്തൂരില്‍ അവസാനിച്ചു.മാനന്തവാടി: കല്ലിയോട്ട്കുന്ന് ഹയാത്തുല്‍ ഇസ്‌ലാം മദ്‌റസയില്‍ നബിദിനാഘോഷത്തിന് തുടക്കം കുറിച്ച് മഹല്ല് പ്രസിഡന്റ് കെ.എം മുഹമ്മദ് ഹാജി പതാക ഉയര്‍ത്തി. ഖത്തീബ് അക്ബറലി പ്രാര്‍ഥന നടത്തി തുടര്‍ന്ന് നബിദിന റാലി നടന്നു. കബീര്‍ മാനന്തവാടി, ഹംസ ടി.എച്ച്, സിദ്ദീഖ് കെ.എം, അഷ്‌ക്കര്‍, സി.കെ സലാം, പി. അഷ്‌റഫ്, ശറഫുദ്ദീന്‍ റാലിക്ക് നേതൃത്വം നല്‍കി.
അമ്പലവയല്‍: അമ്പുകുത്തി നുസ്‌റത്തുല്‍ ഇസ്‌ലാം സംഘത്തിന്റെ ആഭിമുഖ്യത്തില്‍ സദായേ മദീന-2018 എന്ന പേരില്‍ നബിദിനമാഘോഷിച്ചു. മഹല്ല് ഉപദേശക സമിതി കണ്‍വീനര്‍ സി. കുഞ്ഞിപ്പു പതാക ഉയര്‍ത്തി. പൊതുസമ്മേളനം മജീദ് മസ്‌ലകി ഉദ്ഘാടനം ചെയ്തു. ഉപദേശക സമിതി ചെയര്‍മാന്‍ എ. ബീരാന്‍ ഹാജി അധ്യക്ഷനായി. ഖത്വീബ് മുഹമ്മദ് ശാഫി ഫൈസി മുഖ്യപ്രഭാഷണം നടത്തി. പ്രസിഡന്റ് പി. ഷെരീഫ്, ജനറല്‍ സെക്രട്ടറി ടി. ഷഫീഖ്, എ. അഷറഫ്, എം. ജുനൈദ്, എന്‍. ആബിദ് സംസാരിച്ചു. പരിപാടിയുടെ ഭാഗമായി നബിദിന റാലി, മൗലിദ് പാരായണം, മദ്‌റസാ വിദ്യാര്‍ഥികളുടെ കലാപരിപാടികളും നടന്നു.
മേപ്പാടി: പൂത്തക്കൊല്ലി ഹിദായത്തുല്‍ ഇസ്‌ലാം മദ്‌റസയില്‍ വിവിധ പരിപാടികളോടെ നബിദിനം ആഘോഷിച്ചു. മഹല്ല് ഖത്തീബ് അബുബക്കര്‍ റഹ്മാനി മുഖ്യപ്രഭാഷണം നടത്തി. സൈതലവി ഹാജി, പി.വി കുഞ്ഞിമുഹമ്മദ്, ടി. ഹംസ, മുസ്ഥഫ മൗലവി, അബ്ദുറസാഖ് മൗലവി, എ.കെ സൈത്, ഉസ്മാന്‍ മൗലവി, ഹംസ മൗലവി, ശഫീര്‍, ബി. നാസര്‍, മൂസ, എ.കെ അലി മാസ്റ്റര്‍ സംസാരിച്ചു.
മീനങ്ങാടി: മീനങ്ങാടി മുസ്‌ലിം ജമാഅത്ത് കമ്മിറ്റിയുടെ നേതൃത്വത്തില്‍ നബിദിനം വിപുലമായ പരിപാടികളോടെ ആഘോഷിച്ചു. മഹല്ലിന്റെ കീഴിലെ എട്ട് ബ്രാഞ്ച് പള്ളികളിലും, വിവിധ ഏരിയകളിലുമായി 13 വര്‍ഷമായി തുടര്‍ന്ന് വരുന്ന കുംടുംബ സംഗമങ്ങളും, നൂറ് കണക്കിന് ആളുകള്‍ പങ്കെടുത്ത റാലിയും, പൂര്‍വ്വ വിദ്യാര്‍ഥി ഫെസ്റ്റും, കുടുംബ ബോധവല്‍ക്കരണ ക്ലാസുകളും നബിദിനാഘോഷത്തിന്റെ ഭാഗമായി നടന്നു. കൃഷ്ണഗിരി, മീനങ്ങാടി, പുഴംകുനി മദ്‌റസ വിദ്യാര്‍ഥികളുടെ ദഫ്മത്സരവും ഇതോടൊപ്പം നടന്നു. അല്‍ബിര്‍റ് വിദ്യാര്‍ഥികളുടെ പരിപാടികളും നടന്നു.
മാനന്തവാടി: ചെറ്റപ്പാലം നൂറുല്‍ ഇസ്‌ലാം മഹല്ല് ജമാഅത്തിന്റെ ആഭിമുഖ്യത്തില്‍ നബിദിനറാലി സംഘടിപ്പിച്ചു. മഹല്ല് ഖതീബ് സാബിത് വാഫി വെണ്ണിയോട്, കെ.എം അര്‍ഷാദ്, എം.കെ നസീര്‍ ഹാജി, അന്‍ഷാദ് വാഫി, മുഹമ്മദ് മൗലവി, ആരിഫ് വാഫി, എം.കെ അബ്ദുള്ള ഹാജി, സജീര്‍ കുളങ്ങരത്ത്, അബ്ദുസല്ലാം നേതൃത്വം നല്‍കി.