ഡമസ്‌കസ്: സിറിയന്‍ അതിര്‍ത്തിയില്‍ വീïും സംഘര്‍ഷം പുകയുന്നു. അതിര്‍ത്തിയിലെ ചില ഗ്രാമങ്ങള്‍ തുര്‍ക്കി പിന്തുണയുള്ള സൈന്യം പിടിച്ചെടുത്തതോടെയാണ് ഇന്നലെ തുര്‍ക്കി-സിറിയന്‍ സൈന്യങ്ങള്‍ ഏറ്റുമുട്ടല്‍ ആരംഭിച്ചത്.
അതിര്‍ത്തിപ്രദേശമായ റാസ് അല്‍ഐനിലും പരിസരപ്രദേശങ്ങളിലുമാണ് ഏറ്റുമുട്ടല്‍ നടക്കുന്നത്. നേരത്തെ തുര്‍ക്കി പിന്തുണയുള്ള റിബലുകള്‍ പിടിച്ചെടുത്ത പ്രദേശങ്ങള്‍ തിരിച്ചുപിടിക്കുന്നതിന്റെ ഭാഗമായാണ് ഏറ്റുമുട്ടലുകളെന്നാണ് സൂചന. റാസ് അല്‍ഐന്‍, തല്‍ തമാര്‍ പ്രവിശ്യകളില്‍നിന്ന് ആയിരക്കണക്കിനു പേര്‍ പലായനം ചെയ്തതായാണ് വിവരം. അതേസമയം, ഇന്നലെ സിറിയയിലെ അഫ്‌റിനിലെ തിരക്കേറിയ മാര്‍ക്കറ്റിലുïായ കാര്‍ബോംബ് സ്‌ഫോടനത്തില്‍ പത്തോളം പേര്‍ കൊല്ലപ്പെടുകയും 30ലേറെ പേര്‍ക്കു പരുക്കേല്‍ക്കുകയും ചെയ്തിട്ടുï്. ഈ പ്രദേശം നിലവില്‍ റിബലുകളുടെ നിയന്ത്രണത്തിലാണ്. സംഘര്‍ഷങ്ങള്‍ നിരീക്ഷിക്കാന്‍ അമേരിക്കന്‍ സൈന്യം. സിറിയയില്‍നിന്നു പിന്‍മാറിയതിനു ശേഷം കഴിഞ്ഞ ദിവസമാണ് അമേരിക്കന്‍ സൈന്യം അതിര്‍ത്തിപ്രദേശങ്ങളിലെ സ്ഥിതിഗതികള്‍ നിരീക്ഷിക്കാനെത്തിയത്. സൈന്യം പട്രോളിങ് നടത്തുന്നതോടൊപ്പം സൈന്യത്തിന്റെ സന്നാഹങ്ങള്‍ ഇവിടങ്ങളിലേക്ക് എത്തിച്ചിട്ടുമുï്.