അത്താണി (തൃശൂര്‍): അട്ടപ്പാടിയില്‍ വെടിയേറ്റ് മരിച്ചവരുടെ മൃതദേഹങ്ങള്‍ പോസ്റ്റ്‌മോര്‍ട്ടം നടത്തിയ ഫോറന്‍സിക് സര്‍ജന്‍ ഡോ.ഹിതേഷ് ശങ്കറുമായി പ്രത്യേക അന്വേഷണ സംഘം ഇന്നലെ കൂടിക്കാഴ്ച നടത്തി. പോസ്റ്റ്‌മോര്‍ട്ടം റിപ്പോര്‍ട്ട് രണ്ടു ദിവസത്തിനകം അന്വേഷണ സംഘത്തിന് കൈമാറുമെന്ന് അധികൃതര്‍ പറഞ്ഞു. കൊല്ലപ്പെട്ട മണിവാസകത്തിന്റെ രണ്ടു കാലും ഒടിഞ്ഞ നിലയിലാണ്. മസ്തിഷ്‌കം, നെറ്റി എന്നിവ തകര്‍ന്നിട്ടുമുണ്ട്. രമയുടെ പിറകിലാണ് വെടി കൊണ്ടതെന്ന് റിപ്പോര്‍ട്ടില്‍ സൂചനയുണ്ട്. അതേസമയം, കോടതി ഉത്തരവിനെ തുടര്‍ന്ന് ബന്ധുക്കള്‍ ഇന്നലെ രാത്രി മൃതദേഹങ്ങള്‍ കണ്ടു.