പയ്യന്നൂര്‍: ഇതരസംസ്ഥാന തൊഴിലാളികളായ സഹോദരങ്ങള്‍ തമ്മില്‍ എറ്റുമുട്ടിയതിനെ തുടര്‍ന്ന് അനുജന് ഗുരുതര പരുക്ക്. ചൊവ്വാഴ്ച രാത്രി തായിനേരി ബൈപാസിലെ ക്വാട്ടേഴ്‌സിലാണ് സംഭവം. തലക്ക് ഗുരുതരമായി പരുക്കേറ്റ ബിഹാര്‍ സ്വദേശിയായ അര്‍ഖേഷ് റാമിനെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
സംഭവവുമായി ബന്ധപ്പെട്ട് റാം വസന്തി (30) നെ പയ്യന്നൂര്‍ പൊലിസ് കസ്റ്റഡിയിലെടുത്തു. ചൊവ്വാഴ്ച ജോലി കഴിഞ്ഞെത്തിയ ഇരുവരും തമ്മില്‍ വാക്കേറ്റമുണ്ടാവുകയും റാം വസന്ത് അനുജനെ മാരകായുധമെടുത്ത് അക്രമിക്കുകയുമായിരുന്നു. ബഹളം കേട്ടെത്തിയ നാട്ടുകാരാണ് അര്‍ഖേഷിനെ പയ്യന്നൂര്‍ ഗവ. താലൂക്ക് ആശുപത്രില്‍ പ്രവേശിപ്പിച്ചത്. പിന്നീട് പൊലിസെത്തി പരിയാരം മെഡിക്കല്‍ കോളജ് ആശുപത്രിയിലെത്തിക്കുകയായിരുന്നു.