കിളിമാനൂര്‍:തിരുവനന്തപുരം ജില്ലയിലെ കിളിമാനൂര്‍ തട്ടത്തുമലയില്‍ കത്തിക്കുത്തില്‍ ഒരാള്‍ മരിച്ചു. ഒരാള്‍ക്ക് ഗുരുതരമായി പരുക്കേറ്റു. കിളിമാനൂര്‍ തട്ടത്തുമല പറണ്ടക്കുഴി ചരുവിള പുത്തന്‍ വീട്ടില്‍ ശശി സീത ദമ്പതികളുടെ മകന്‍ സഞ്ജു(30) ആണ് മരിച്ചത്.

അവിവാഹിതനും പെയിന്റിംഗ് തൊഴിലാളിയുമാണ്. പറണ്ടക്കുഴി ഷിബു വിലാസത്തില്‍ ഷിബു(37)വിനാണ് പരുക്കേറ്റത് . ഷിബു തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. സംഭവവുമായി ബന്ധപ്പെട്ട് രണ്ടുപേരെ കിളിമാനൂര്‍ പൊലിസ് കസ്റ്റഡിയില്‍ എടുത്തതായി സൂചനയുണ്ട്.

വ്യാഴാഴ്ച രാത്രി 10 മണിയോടെ പറണ്ടക്കുഴി ശാസ്താം പൊയ്ക ഹെല്‍ത്ത് സെന്ററിന് സമീപത്തായിരുന്നു സംഭവം . കഴുത്തിലാണ് ഇരുവര്‍ക്കും കുത്തേറ്റത്. സംഭവം നടന്ന ഉടനെ സഞ്ജുവിനെ കിളിമാനൂരിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചിരുന്നു.