തിരുവനന്തപുരം: സംവിധായകനും ചലച്ചിത്ര അക്കാദമിയുടെ മുന്‍ ചെയര്‍മാനുമായ കെ. ആര്‍ മോഹനന്‍ (69) അന്തരിച്ചു.
തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ഒരു മാസമായി ഇവിടെ ചികിത്സയിലായിരുന്നു. ഇന്നലെ വൈകിട്ട് കലാഭവന്‍ തിയറ്ററില്‍ മൃതദേഹം പൊതുദര്‍ശനത്തിന് വച്ചു. സമൂഹത്തിലെ വിവിധ തുറകളില്‍പ്പെട്ടവര്‍ ആദരാഞ്ജലി അര്‍പ്പിച്ചു. പൂനെ ഫിലിം ഇന്‍സ്റ്റിറ്റ്യൂട്ടില്‍ നിന്ന് ചലച്ചിത്രപഠനം പൂര്‍ത്തിയാക്കിയ അദ്ദേഹം നിരവധി ഡോക്യുമെന്ററികളും, ഹ്രസ്വചിത്രങ്ങളും സംവിധാനം ചെയ്തിട്ടുണ്ട്. അശ്വത്ഥാമ, പുരുഷാര്‍ഥം, സ്വരൂപം എന്നിവയാണ് ശ്രദ്ധേയമായ ചിത്രങ്ങള്‍. കേരള രാജ്യാന്തര ചലച്ചിത്രോത്സവത്തിന്റെ ഡയറക്ടറായും പ്രവര്‍ത്തിച്ചിട്ടുണ്ട്. സംസ്‌കാരം ഇന്ന് സ്വദേശമായ തൃശൂര്‍ ചാവക്കാട് നടക്കും.