ബകു: അസര്‍ബൈജാന്‍ ഗ്രാന്‍പ്രീ ഫോര്‍മുല വണ്‍ കിരീടം റെഡ് ബുള്ളിന്റെ ഡാനിയേല്‍ റിക്കിയാര്‍ഡോയ്ക്ക്. മെഴ്‌സിഡസിന്റെ വല്‍ട്ടേരി ബോട്ടാസ് രണ്ടാമതും വില്ല്യംസിന്റെ ലാന്‍സ് സ്‌ട്രോള്‍ മൂന്നാം സ്ഥാനത്തും ഫിനിഷ് ചെയ്തു.
ഫെരാരിയുടെ സെബാസ്റ്റ്യന്‍ വെറ്റലിന്റേയും മെഴ്‌സിഡസിന്റെ ലൂയീസ് ഹാമില്‍ട്ടന്റേയും കാറുകള്‍ കൂട്ടിയിടിച്ചത് ഇരു താരങ്ങളുടേയും മുന്നേറ്റത്തെ ബാധിച്ചു. വെറ്റല്‍ നാലാമതും ഹാമില്‍ട്ടന്‍ അഞ്ചാം സ്ഥാനത്തുമാണെത്തിയത്. ഫോഴ്‌സ് ഇന്ത്യയുടെ എസ്റ്റെബന്‍ ഒക്കോണ്‍ ആറാം സ്ഥാനത്തെത്തിയപ്പോള്‍ മറ്റൊരു താരം സെര്‍ജിയോ പെരസ് 11ാം സ്ഥാനത്ത്.