ഹാല്ലെ: ലോക അഞ്ചാം നമ്പര്‍ താരവും സ്വിസ് ഇതിഹാസവുമായ റോജര്‍ ഫെഡറര്‍ക്ക് ഹാല്ലെ ഓപണ്‍ ടെന്നീസ് കിരീടം. ഇവിടെ ഒന്‍പതാം തവണയും കിരീടം നേടി ഫെഡറര്‍ റെക്കോര്‍ഡ് നേട്ടവും സ്വന്തമാക്കി. ഫൈനലില്‍ ജര്‍മന്‍ യുവ താരം അലക്‌സാണ്ടര്‍ സ്വരേവിനെ അനായാസം കീഴടക്കിയാണ് ഫെഡറര്‍ കിരീടം നേടിയത്. സ്‌കോര്‍: 6-1, 6-3.
ആസ്‌ത്രേലിയന്‍ ഓപണ്‍, ഇന്ത്യന്‍ വെല്‍സ്, മിയാമി ഓപണ്‍ കിരീടങ്ങള്‍ സ്വന്തമാക്കി ഗ്രാസ് കോര്‍ട്ടില്‍ മികച്ച ഫോമില്‍ കളിക്കുന്ന ഫെഡറര്‍ 19ാം ഗ്രാന്‍ഡ് സ്ലാം കിരീടം തേടി വിംബിള്‍ഡണിനിറങ്ങാനുള്ള ഒരുക്കത്തിലാണ്. ഹാല്ലെയിലെ വിജയം ഫെഡറര്‍ക്ക് വിംബിള്‍ഡണില്‍ പോരാടാനുള്ള ആത്മവിശ്വാസം സമ്മാനിക്കും.