മനാമ: സമസ്ത ബഹ്‌റൈന്‍ കേന്ദ്ര കമ്മറ്റി പെരുന്നാള്‍ സുദിനത്തില്‍ മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍ ഈദ് മുലാഖാത്ത് സംഘടിപ്പിച്ചു.

ചടങ്ങ് സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ ഉദ്ഘാടനം ചെയ്തു. കഴിഞ്ഞ ഒരു മാസം കൊണ്ടു നേടിയെടുത്ത ആത്മീയ ചൈതന്യം കെടാതെ സൂക്ഷിക്കാന്‍ വിശ്വാസികള്‍ ശ്രദ്ധിക്കണമെന്നും പരസ്പര ബന്ധങ്ങളും സൗഹൃദങ്ങളും ഊട്ടിയുറപ്പിക്കണമെന്നും അദ്ദേഹം ഈദ് സന്ദേശത്തില്‍ ഓര്‍മിപ്പിച്ചു.

ഹാഫിള് ശറഫുദ്ധീന്‍ മൗലവി, ഖാസിം റഹ് മാനി, എന്‍.ടി കരീം, അസീസ് ഹാജി, ഉബൈദുല്ല റഹ് മാനി, മജീദ് ചോലക്കോട് എന്നിവര്‍ സംസാരിച്ചു. മാസ്റ്റര്‍ ജസീര്‍, നൗഷാദ് കൊല്ലം എന്നിവര്‍ ഗാനാലാപനം നടത്തി. എസ്.എം.അബ്ദുല്‍ വാഹിദ് സ്വാഗതവും മുസ്ഥഫാ കളത്തില്‍ നന്ദിയും പറഞ്ഞു. ചടങ്ങിന്റെ സജ്ജീകരണത്തിന് എസ്.കെ.എസ്.എസ്.എഫ് വിഖായ വിംഗ് നേതൃത്വം നല്‍കി.