അഞ്ചല്‍: വീട്ടിലെ സാമ്പത്തിക പ്രശ്‌നങ്ങളുടെ പേരില്‍ തീ കൊളുത്തി ആത്മഹത്യയ്ക്ക് ശ്രമിച്ച പെണ്‍കുട്ടിയെ പിതാവ് നേരത്തേ പീഡിപ്പിച്ചതായി ആശുപത്രിയില്‍ ചികിത്സിക്കുന്ന ഡോക്ടറോട് പെണ്‍കുട്ടിയുടെ വെളിപ്പെടുത്തല്‍. അഞ്ചല്‍ പ്രദേശത്തുകാരിയായ പ്ലസ്ടു വിദ്യാര്‍ഥിനിയാണ് തീപ്പൊള്ളലേറ്റ നിലയില്‍ തിരുവനന്തപുരം മെഡിക്കല്‍ കോളജാശുപത്രിയില്‍ പ്രവേശിപ്പിക്കപ്പെട്ടത്. വീട്ടില്‍ വച്ച് നേരത്തേ പിതാവ് തന്നെ ലൈംഗിക പീഡനത്തിനിരയാക്കിയതായി ഡോക്ടറുടെ ചോദ്യം ചെയ്യലിലാണ് പെണ്‍കുട്ടിയുടെ വെളിപ്പെടുത്തലുണ്ടായത്. ആശുപത്രി അധികൃതര്‍ വിവരമറിയിച്ചതനുസരിച്ച് പെണ്‍കുട്ടിയുടെ പിതാവിനെ ഏരൂര്‍ പൊലിസ് അറസ്റ്റ് ചെയ്തു. പുനലൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡു ചെയ്തു. ലോറി ഡ്രൈവറും നേരത്തേ രണ്ട് അബ്കാരി കേസിലെ പ്രതിയായിരുന്നു ഇയാളെന്ന് ഏരൂര്‍ പൊലിസ് അറിയിച്ചു