പാലക്കാട്: കുടുംബശ്രീ സംസ്ഥാന കലോത്സവത്തില്‍ 128 പോയിന്റോടെ കാസര്‍കോട് ഓവറോള്‍ ചാംപ്യന്മാരായി. തുടര്‍ച്ചയായി ഇത് മൂന്നാം തവണയാണ് കാസര്‍കോട് ചാംപ്യന്‍മാരാകുന്നത്. 93 പോയിന്റോടെ കണ്ണൂര്‍ രണ്ടാംസ്ഥാനവും 65 പോയിന്റോടെ കോഴിക്കോട് മൂന്നാം സ്ഥാനവും നേടി. വിജയികള്‍ക്ക് മന്ത്രി എ.സി മൊയ്തീന്‍ ട്രോഫികള്‍ വിതരണം ചെയ്തു.
മൂന്നുദിവസങ്ങളിലായി നടന്ന കലോത്സവത്തില്‍ സംസ്ഥാനത്തെ രണ്ടായിരത്തിലധികം കലാപ്രതിഭകളാണ് പങ്കെടുത്തത്.