എരുമപ്പെട്ടി: ഡി.വൈ.എഫ്.ഐ വടക്കാഞ്ചേരി ബ്ലോക്ക് കമ്മിറ്റിയുടെ നേതൃത്വത്തില്‍ നടത്തുന്ന കാല്‍നട പ്രചരണ ജാഥക്ക് കടങ്ങോട് പഞ്ചായത്ത് പാഴിയോട്ടുമുറിയില്‍ സ്വീകരണം നല്‍കി. ജില്ലാ കമ്മിറ്റിയുടെ നേതൃത്വത്തില്‍ ഓഗസ്റ്റ് 15ന് നടക്കുന്ന യുവസാഗരം കാംപയിന് മുന്നോടിയായാണ് കാല്‍നട പ്രചരണ ജാഥ സംഘടിപ്പിച്ചിട്ടുള്ളത്.
ഓഗസ്റ്റ് 4ന് ആരംഭിച്ച ജാഥ വിവിധ സ്ഥലങ്ങളില്‍ സ്വീകരണം ഏറ്റുവാങ്ങി ഏഴിന് അത്താണിയില്‍ സമാപിക്കും. ജാഥാ ക്യാപ്റ്റന്‍ ഡി.വൈ.എഫ്.ഐ ജില്ലാ സെക്രട്ടേറിയേറ്റ് അംഗം എം.ജെ ബിനോയ്, വൈസ് ക്യാപ്റ്റന്‍ ഡി.വൈ.എഫ്.ഐ വടക്കാഞ്ചേരി ബ്ലോക്ക് പ്രസിഡന്റ് ടി.കെ ശിവന്‍, ബ്ലോക്ക് ട്രഷറര്‍ പി.ജി സുനീഷ്, കെ.ആര്‍ രൂപേഷ്, എന്‍.ബി ബിജു, പി.എ ജിജേഷ് തുടങ്ങിയവര്‍ സംസാരിച്ചു.