കൂത്തുപറമ്പ്: കതിരൂരിനടുത്ത് വേറ്റുമ്മലില്‍ കാര്‍ നിയന്ത്രണം വിട്ട് ഓട്ടോ സ്റ്റാന്‍ഡിലേക്ക് ഇടിച്ചു കയറി രണ്ടു ഓട്ടോറിക്ഷാ ഡ്രൈവര്‍മാര്‍ക്കും സമീപത്ത് ബസ് കാത്തു നില്‍ക്കുകയായിരുന്ന യാത്രക്കാരിക്കും പരുക്കേറ്റു.
ഓട്ടോ ഡ്രൈവര്‍മാരായ വേറ്റുമ്മലിലെ ഖാലിദ് (50), ശ്രീജന്‍ (45) എന്നിവര്‍ക്കും മറ്റൊരു യാത്രക്കാരിക്കുമാണ് പരുക്കേറ്റത്.
പരുക്കേറ്റ ഓട്ടോഡ്രൈവര്‍മാരെ തലശേരി ഇന്ദിരാഗാന്ധി സഹകരണാശുപത്രിയിലും സാരമായി പരുക്കേറ്റ യാത്രക്കാരിയെ മംഗളൂരു ആശുപത്രിയിലും പ്രവേശിപ്പിച്ചു.
ഇന്നലെ വൈകിട്ട് മൂന്നോടെയാണ് സംഭവം. കൂത്തുപറമ്പ് ഭാഗത്തു നിന്ന് വന്ന കാറാണ് നിയന്ത്രണം വിട്ട് ആദ്യം ബസ് കാത്തു നില്‍ക്കുകയായിരുന്ന സ്ത്രീയെ ഇടിച്ചത്. തുടര്‍ന്ന് ഓട്ടോയില്‍ ഇടിക്കുകയായിരുന്നു. ഖാലിദ്, ശ്രീജന്‍, സായിദര്‍ശ് എന്നിവരുടെ ഓട്ടോയും തകര്‍ന്നു.