തിരുവനന്തപുരം: 'കരുണയാണ് തിരുനബി (സ്വ)' പ്രമേയത്തില്‍ എസ്.കെ.എസ്.എസ്.എഫ് സംഘടിപ്പിക്കുന്ന മീലാദ് കാംപയിനിന്റെ ഭാഗമായി കാംപസ് വിങ് റോസ് ഡേ ആഘോഷിച്ചു. തിരുവനന്തപുരം ഗാന്ധി പാര്‍ക്കില്‍ കുട്ടികള്‍ക്ക് റോസാപൂവും മധുരവും നല്‍കിക്കൊണ്ട് പരിപാടിക്ക് തുടക്കം കുറിച്ചത്.
പ്രവാചകനെയും പ്രവാചകാധ്യാപനങ്ങളെയും പൊതുജനത്തിന് പരിചയപ്പെടുത്തുകയും സന്ദേശം കൈമാറുകയും ചെയ്തു. തിരുവനന്തപുരം നഗരങ്ങളിലെ വിവിധ ഭാഗങ്ങളിലായി നടന്ന റോസ് ഡേ പരിപാടിക്ക് കാംപസ് വിങ് സംസ്ഥാന നേതാക്കള്‍ നേതൃത്വം നല്‍കി.സംസ്ഥാന ഭാരവാഹികളായ മുഹമ്മദ് ഷഹരി വാഴക്കാട്, യാസീന്‍ വാളക്കുളം, ആദില്‍ കണ്ണൂര്‍, സിറാജ് ഇരിങ്ങല്ലൂര്‍, അസ്‌ലം തൃശൂര്‍, ജാസിര്‍ പടിഞ്ഞാറ്റുമുറി, ഹസ്സന്‍ ബസ്സരി, ഷമീര്‍ കണിയാപുരം, ശമ്മാസ് കൊല്ലം, അസ്‌ലം, ജാബിര്‍ പങ്കെടുത്തു.