മഞ്ചേശ്വരം: വീട് കുത്തിത്തുറന്ന് 13പവന്‍ സ്വര്‍ണാഭരണങ്ങളും പണവും കവര്‍ന്നു. മഞ്ചേശ്വരം പാവൂര്‍ കല്ലാജെയിലെ ഹസന്‍കുഞ്ഞിയുടെ വീട്ടില്‍ നിന്നാണു സ്വര്‍ണവും പണവും കവര്‍ന്നത്. ഹസന്‍കുഞ്ഞിയും കുടുംബവും വീടുപൂട്ടി പെരുന്നാള്‍ ആഘോഷത്തിനു ബന്ധുവീട്ടില്‍ പോയതായിരുന്നു.
തിങ്കളാഴ്ച വൈകുന്നേരം തിരിച്ചെത്തിയപ്പോള്‍ വീടിന്റെ മുന്‍വശത്തെ വാതില്‍ കുത്തിത്തുറന്ന നിലയില്‍ കണ്ടെത്തി. അകത്തുകയറി അലമാര പരിശോധിച്ചപ്പോഴാണ് സ്വര്‍ണവും പണവും കാണാനില്ലെന്നു വ്യക്തമായത്.
ഹസന്‍കുഞ്ഞിയുടെ പരാതിയില്‍ മഞ്ചേശ്വരം പൊലിസ് കേസെടുത്ത് അന്വേഷണം തുടങ്ങി.